ရွှေသဘာဝဓာတ်ငွေ့ နှင့်ပတ်သက်သည့် သတင်းစုဆောင်းမှု-၃

ရခိုင်ပြည်သူများ၏ တောင်းဆိုချက် လိုက်လျော့ရန် ဒေ၀ူးကုမ္ပဏီကို AOW တိုက်တွန်း

Font size:

တာကလူး
----------
ရခိုင်ပြည်နယ်ရှိ ရွှေဂက်(စ်)စီမံကိန်းမှ ၂၄-နာရီ လျှပ်စစ်မီးရရှိရေးအတွက် ဒေသခံပြည်သူများ၏ တောင်းဆိုချက်အပေါ် စီမံကိန်းတွင် အဓိက ဦးဆောင်လုပ်ကိုင်နေသည့် ဒေ၀ူးကုမ္ပဏီအနေဖြင့် လိုက်လျော့လုပ်ဆောင်ပေးရန်လိုအပ်ကြောင်း ရခိုင့်ရေနံစောင့်ကြည့်ရေးအဖွဲ့မှ ယနေ့တွင် တိုက်တွန်း တောင်းဆိုလိုက်သည်။

ရခိုင်ကမ်းလွန်ပြင်ရှိ ရွှေဂက်စ်စီမံကိန်းမှထုတ်လုပ်မည့် သဘာဝဓါတ်ငွေ့များကို တရုတ်နိုင်ငံသို့ နှစ်နိုင်ငံ သဘောညီချက်ဖြင့် ရောင်းချထားပြီ ဖြစ်ပြီး၊ ရခိုင်ပြည်နယ်အတွက် အသုံးပြုမည့် အစီအစဉ်မရှိကြောင်း မြန်မာ့ စွမ်းအင်ဝန်ကြီး ဦးသန်းဌေးက အမျိုးသားပါလီမန်တွင် များမကြာမှီက ထုတ်ဖေါ်ပြောကြားခဲ့ခြင်းကြောင့် ၄င်းစီမံကိန်း အပေါ် ရခိုင်ဒေသခံပြည်သူများအကြား မကျေနပ်မှုများ တိုးပွါးလျက်ရှိနေကြသည်။

ထိုမကျေနပ်မှုများကြောင့် ရခိုင်ဒေသခံပြည်သူများက “ငါတို့ရွှေဂက်(စ်)ကိုငါတို့သုံး ခွင့်ရှိရမည်၊ အခုချက်ချင်း ၂၄ နာရီမီးပေးပါ” ဟု ရခိုင်ပြည်နယ်အနှံ့တွင် တောင်းဆိုလှုပ်ရှားလာနေကြသည်။

ထို့သို့ ဒေသခံပြည်သူများ၏ တောင်းဆိုချက်များအပေါ် ရွှေဂက်စ်စီမံကိန်းကို ဦးဆောင် လုပ်ကိုင် နေသည့် ဒေ၀ူးကုမ္ပဏီအနေဖြင့် အရေးတယူ လိုက်နာဆောင်ရွက်ပေးရန် လိုအပ်ကြောင်း ရခိုင့်ရေနံစောင့်ကြည့်ရေးအဖွဲ့ မှ အမှုဆောင်ဒါရိုက်တာ ကျော်ခိုင် ကပြောသည်။

"ဒီရွှေဂက်(စ်)စီမံကိန်း ကို ရခိုင်ပြည်သူတွေ ပိုင်တယ်။ ဒီရွှေဂက်(စ်)စီမံကိန်း ကရရှိတဲ့ အကျိုး အမြတ်ကို ရခိုင်ပြည်သူတွေ ခံစားပိုင်ခွင့်ရှိရမယ်။ ဒေသခံပြည် သူတွေတောင်းဆိုနေတဲ့ ရွှေဂက်(စ်) စီမံကိန်းက ၂၄ နာရီလျှပ်စစ်မီးရရှိရေး တောင်ဆိုချက်ကို လိုက်နာဆောင်ရွက်ပေးရေးဟာ ဒေဝူး ဦးဆောင်တဲ့ ကုမ္ပဏီတွေအတွက် အင်မတန်မှ အရေးကြီးပါတယ်။ ဒါကို သူတို့ မလုပ်ပေးနိုင်ဘူး ဆိုရင် သူတို့ကုမ္ပဏီတွေ မြန်မာပြည်ကထွက်ခွာ သွားသင့်ပါတယ်။ ဘာဖြစ်လို့လဲ ဆိုတော့ သူတို့ရဲ့ရင်းနှီးမြှတ်နှံမှု စီမံကိန်းတွေဟာ ပြည်သူတွေအတွက် အကျိုးအမြတ် မဖြစ်ဘဲ နစ်နာဆုံရှုံးမှုတွေသာ ဖြစ်နေလို့ပါပဲ" ဟု ကျော်ခိုင်က ပြောသည်။

ရွှေဂက်စ်စီမံကိန်း ကြောင့် ရခိုင်ပြည်နယ်၌ လူ့အခွင့်အရေးချိုးဖေါ်က်မှုများ နှင့်သဘာဝ ပတ်ဝန်း ကျင်ပျက်စီးဆုံးရှုံးမှုများ ဖြစ်ပေါ်နေပြီး၊ အထူးသဖြင့် စီမံကိန်းကြောင့် တံငါသည်များနှင့် တောင်သူလယ်သမားများ၏ လူမှုဘဝ အခြေအနေများပျက်စီးဆုံးရှုံးလျက်ရှိနေသည်ဟု သူက ဆက်ပြောသည်။

ရွှေဂတ်စ်စီမံကိန်းတွင် ဒေ၀ူးကုမ္ပဏီမှ အများဆုံး ရင်းနှီးမြုပ်နှံထားပြီး၊ အဓိက ဦးဆောင် လုပ်ကိုင်နေခြင်းဖြစ်သည်။ စီမံကိန်း၏ အစုရှယ်ယာ ၅၁%ကို ဒေ၀ူးက ပိုင်ဆိုင်ထားပြီး၊ ကိုရီးယားနိုင်ငံပိုင် KOGAS ကုမ္ပဏီက ၈% ၊အိန္ဒိယနိုင်ငံ ONGC ကုမ္ပဏီက ၁၇% ၊အိန္ဒိယနိုင်ငံ GAIL ကုမ္ပဏီက ၉%၊ နှင့် မြန်မာစ်အစိုးရပိုင် မြန်မာ့ရေနံနှင့် သဘာဝဓါတ်ငွေ့လုပ်ငန်း MOGE က ၁၅% စသည်ဖြင့် အစုရှယ်ယာများ အသီးသီးပိုင်ဆိုင်ထားကြသည်။

ရခိုင့်ရေနံစောင့်ကြည့်ရေးအဖွဲ့၏ သတင်းထုတ်ပြန်ချက်အရ ရွှေဂက်(စ်)စီမံကိန်းမှ နေ့စဉ် သဘာဝဓါတ်ငွေ့ပမာဏ ကုဗပေသန်း (၅ဝဝ) ကို နှစ်ပေါင်း (၃ဝ) ကြာအောင်ထိ ထုပ်ယူရန်စီစဉ်ထားသည်။ကုဗပေသန်း၎ဝဝ ကိုတရုတ်ကိုတင်ပို့ ရောင်းမည်ဖြစ်ပြီး ကျန်ရှိသော ကုဗပေ သန်း (၁ဝဝ) ကို အစိုးရပိုင်စက်ရုံများ၊စစ်တပ်ပိုင်စက်ရုံများ နှင့် အစိုးရနှင့်နီးစပ်သည့် စီပွားရေးပိတ်ဆို့မှုစရင်းဝင်သူများဖြစ်သည့် လက်နက်မှောင်ခို တေဇ ပိုင်ဆိုင်သော ထူးဘိလပ်မြေစက်ရုံ၊ ဘိန်းဘုရင်လော်စစ်ဟန်ပိုင်ဆိုငသော အေးရှားဝေါလ် ဘိလပ်မြေစက်ရုံ၊ ဇော်ဇော်၏ အိုင်ဂျီအီး ဘိလပ်မြေစက်ရုံ နှင့် အောင်ကိုဝင်း ပိုင်ဆိုင်သော ကမ္ဘောဇဘိလပ်မြေစက်ရုံ များအပါအဝင်စက်ရုံပေါင်း ငါးဆယ်ကျော် ကို ဖြန့်ဖြူးပေးမည်ဖြစ်သည်။

ရွှေသဘဝဓါတ်ငွေ့ကို ၂ဝ၁၃ ခုနှစ်မှစတင်၍ တရုတ်နိုင်ငံသို့ နှစ်ပေါင်း(၃ဝ)ကြာအောင်ထိ တင်ပို့မည်ဖြစ်ရာ ထိုသို့တင်ပို့ရာ၌ မြန်မာအစိုးရသည် ခန့်မှန်းခြေဝင်ငွေအမေရိကန်ဒေါ်လာ ၂၉ ဘီလီယံခန့်ကိုရရှိမည်ဖြစ်သည်။

”ဓါတ်ငွေ့တင်ပို့ရာကရတဲ့ ဘဏ္ဍာငွေတွေကို ရခိုင်ပြည်နယ် အတွက် သော်လည်းကောင်း၊ နိုင်ငံရဲ့စီးပွားရေးဖွံ့ဖြိုးတိုးတက်ရေးမှာသော်လည်းကောင်း သုံးစွဲမယ်ဆိုတာမသေချာပါဘူး။ ဘာဖြစ်လို့လဲ ဆိုတော့ အစိုးရမှာ ဘဏ္ဍာငွေစီမံခန့်ခွဲမှုဆိုင်ရာပွင့်လင်းမြင်သာ တဲ့စနစ်မရှိဘူး။ နောက်ပြီးဓါတ်ငွေ့ ရောင်းလို့ရတဲ့ငွေတွေ ကိုဘယ်နည်း၊ဘယ်ပုံသုံစွဲမယ် ဆိုတာကိုထုတ်ဖေါ် ပြောကြားထား တာလည်းမရှိပါဘူး။” ဟုကျော်ခိုင်က ပြောသည်။

ရခိုင်ပြည်နယ်သည် မြန်မာနိုင်ငံတွင် ၂၄-နာရီ လျှပ်စစ်ဓါတ်အားထုတ်လုပ် ဖြန့်ဝေနိုင်သော သဘာဝ ဓါတ်ငွေ့အပါအ၀င် တခြားသဘာဝအရင်းအမြစ်များ ပေါကြွယ်ဝသော ပြည်နယ်တစ်ခုဖြစ်သော်လည်း အနည်းဆုံး လျှပ်စစ်ဓါတ်အား အသုံးပြုရသော ပြည်နယ်ဖြစ်သည်။ လက်ရှိအချိန်တွင် ရခိုင်ပြည်သူများမှာ ရေနံဆီ၊ ဖွဲ စသောလောင်စာသုံး စက်များဖြင့် ပုဂ္ဂလိက ကုမ္ပဏီများမှ တနေ့လျှင် ပျမ်းမျှ ၃နာရီမှ ၆နာရီထိ ဖြန့်ဝေပေးသည့် လျှပ်စစ်မီးများကို ဗမာပြည်မထက် ဈေးနှုန်း အဆ ၂၀ ပိုပေးကာ အသုံးပြုနေကြရသည်။

သို့သော်လည်း မြန်မာအစိုးရအဆက်ဆက်မှ ရခိုင်ဒေသမှ ထွက်သမျှ သံယံဇာတများကို ထုတ်ယူရောင်းချပြီး၊ ဒေသအတွင်း ဖွံ့ဖြိုးမှုအတွက် အဓိကကျသည့် ၂၄-နာရီ လျှပ်စစ်မီးဖြန့်ဝေပေးရန် လျစ်လျူရှူမျက်ကွယ် ပြုထားခြင်းကြောင့် ယခုကဲ့သို့ ဆန့်ကျင် တောင်းဆိုမှုများ ပြုလုပ်လာရခြင်းဖြစ်သည်ဟု ရွှေဂက်စ်ဖြင့် ၂၄-နာရီ လျှပ်စစ်မီးပေးရန် တောင်းဆိုလှုပ်ရှားနေသူများက ပြောသည်။

-------------------------------------------------------------------------------------------------------------------------------
.: နိရဉ္စရာမှ သတင်းများကို မည်သူ မဆို လွတ်လပ်စွာ အသုံးပြုနိုင်ပါသည်။ သို့သော်လည်း သတင်း ရင်းမြစ်နေရာတွင် နိရဉ္စရာ၏ အမည်ကို ရေးသား ဖေါ်ပြပေးစေလိုပါသည်။
-------------------------------------------------------------------------------------------------------------------------------

ရွှေသဘာဝဓာတ်ငွေ့ဆိုင်ရာသတင်းစုဆောင်းမှု -၂

ကျောက်ဖြူတွင် ပိုက်လိုင်းအတွက် လယ်မြေဆုံးရှုံးသူ မိသားစု တစ်ခု ကျပ်(၃) သိန်းစီ လျော်ကြေးပေး

Font size:

ရခိုင်ပြည်နယ် ကျောက်ဖြူမြို့နယ်တွင် ဖေါက်လုပ်နေသာ ပိုက်လိုင်း အတွက် လယ်မြေ ဆုံးရှုံးသွားသူ မိသားစု တစ်ခုကို ကျပ် (၃) သိန်းစီ လျော်ကြေးပေးနေကြောင်း သတင်း ရရှိသည်။

"သူတို့က လယ်များတာ နည်းတာကို မကြည့်တော့ဘဲ မိသားစု တစ်ခုကို ကျပ်သုံးသိန်းစီ ပေးနေပါတယ်။ ကျန်တာတွေတော့ နောက်မှ ပေးမယ်လို့ ပြောပါတယ်" ဟု ကျောက်ဖြူ ကပ်ပသွယ်မှ လယ်သမား တစ်ဦးက ပြောသည်။

တချို့လယ်သမားများမှာ လယ်မြေ အများကြီး ဆုံးရှုံးပြီး တစ်ချို့လယ်သမားများမှာ အနည်းအပါး ဆုံးရှုံးသွားသော်လည်း လျော်ကြေး တပြေးညီ ပေးနေသဖြင့် လယ်သမားများ အကြား မကျေနပ်မူများ တိုးပွားနေကြောင်း သိရသည်။

" လယ်အများပါသွားတဲ့ လယ်သမားကိုလည်း ကျပ်သုံးသိန်း၊ အနည်းပါသွားတဲ့ လယ်သမားကိုလည်း ကျပ်သုံးသိန်း ဆိုတော့ အများပါသွားတဲ့ လယ်သမားတွေက နစ်နာ သွားတာပေါ့။ ဒါကြောင့် မကျေမနပ် ဖြစ်နေကြတာ ဖြစ်ပါတယ်" ဟု သူက ပြောသည်။

တခြား ပျားတဲကျေးရွာမှ ရွာသား တစ်ဦးကလည်း သူတို့ မကျေမနပ် ဖြစ်နေကြကြောင်းကို ယခုလို ပြောသည်။

"ကျွန်တော်တို့ရွာသားတွေကတော့ လယ်မြေတွေ ဆုံးရှုံးသွားရတဲ့ အတွက် မကျေမနပ် ဖြစ်နေကြတာပါ။ လျော်ကြေးရတဲ့ ကျပ် (၃) သိန်းက ဘာမှ မဖြစ်စလောက်ပါ။ မိသားစု တစ်စု တနှစ်တောင် သုံးရမှာ မဟုတ်ပါဘူး။ အဲဒီလယ်မြေတွေ ဆုံးသွားတဲ့ အတွက် အနာဂတ်မှာ ဘယ်လို လုပ်ကိုင် စားသောက်ကြမလဲ။ လယ်ကို အမှီပြုပြီး စားသောက်နေကြတဲ့ ကျွန်တော်တို့ လယ်သမားတွေ အတွက် လယ်မရှိရင် ဘာမှ မလုပ်ကိုင်နိုင်တော့ပါဘူး။ ကျွန်တော်တို့ ငွေကို မလိုပါ။ မိမိလယ်ကိုဘဲ လိုပါတယ်။ လယ်လည်း အစားမရ ဆိုတဲ့ အတွက် လယ်သမားတွေ ရှေ့ရေးကို တွေးပြီး စိတ်မကောင်း ဖြစ်နေကြပါတယ်" ဟု ပြောသည်။

ကျောက်ဖြူမြို့နယ်တွင် တည်ဆောက်နေသော ပိုက်လိုင်းကို ယခုအခါ ကျေးရွာ အတော်များများကို ဖြတ်သန်း ဖေါက်လုပ်နေသည်။ ပိုက်လိုင်းကို မလကျွန်းမှ နေပြီး ပြင်ရှည်ကျေးရွာထိ ဖေါက်လုပ်နေကာ ထိုမှ တဆင့် မင်းတပ်တောင်၊ ကမ်းကြီးကျေးရွာ၊ ထိုမှ တဆင့် ပျားတဲ၊ ကပ်ပသွယ်ရွာ၊ ကပ်ပသွယ်မှ တဆင့် ကလာဘာတောင်၊ ထိုမှ တဆင့် မဒဲကျွန်းထိ ဖေါက်လုပ်နေကြောင်း သိရသည်။

"လယ်မြေတွေကို မြေတူးစက် (ဘော်ဒူဇာ) တွေနဲ့ ထိုးပြီး ဖောက်နေတယ် လယ်တွေက အကြီးအကျယ် ပျက်စီးနေပါတယ်။ ပိုက်လိုင်း ချမယ့်နေရာ အပြင် တခြား အနီးအနားက လယ်တွေလည်း ပျက်စီးသွားပါတယ်။ ပျက်စီးတာကတော့ အများကြီးပါဘဲ။ ပိုက်လုံးတွေက မဆက်သေးဘူး။ ပိုက်လုံးတွေကို ကံ့ကော်တောဘုရားနဲ့ ကျောက်တလုံးဘုရားအနီးမှာ တော်တော်များများ စုပုံထားပါတယ် ခင်ဗျား" ဟု ပျားတဲ ရွာသားက ပြောသည်။

အဆိုပါ လယ်သမားများအား လယ်မြေဆုံးရှုံးခ ကျပ် (၃) သိန်းစီ ထုတ်ပေးခြင်းမှာ ကြိုတင် နစ်နာကြေး ထုတ်ပေးခြင်းသာ ဖြစ်ပြီး ဆုံးရှုံးသွားသူများကို မြေဧက အလိုက် လျော်ကြေးပေးမည် ဖြစ်ကြောင်း အဆိုပါ ဒေသမှ အုပ်ချုပ်ရေးမှူး တစ်ဦးက ပြောသည်။

သို့သော်လည်း နောက်မှ ပေးမည် ဆိုသည်ခြင်းမှာ မသေချာကြောင်း၊ နောက်ဆိုသည်မှာ အချိန်ကာ သတ်မှတ်ချက် မရှိသဖြင့် သူတို့ နောက်မှ ပေးမည်ဆိုသည်ကို ယုံကြည်၍ မရကြောင်း ကျောက်ဖြူမြို့နယ် ရခိုင်တိုင်းရင်းသားများ တိုးတက်ရေး ပါတီမှ တာဝန်ရှိသူ ဦးသန္တာမောင်က ပြောသည်။

" နယ်တွေမှာ လူတွေက အရမ်းကို ဆင်းရဲ ကြပါတယ်။ အိမ်တောင် ကောင်းမွန်စွာ မဆောက်နိုင်တဲ့ အတွက် ဖြစ်သလို နေထိုင်နေကြရတဲ့ မိသားစုတွေ နယ်တွေမှာ အများကြီးပါ။ ကလေးတွေ ပညာ မသင်နိုင်တဲ့ မိသားစတွေလည်း တစ်ပုံကြီးပါ။ အဲသလို အခြေအနေမျိုးမှာ လယ်တွေကို အသိမ်းခံရတော့ သူတို့ အနာဂတ်အတွက် ကျွန်တော် စဉ်းစားပြီး မွန်းကျပ်စွာ ခံစားရပါတယ်" ဟု ဦး သန္တာမောင်က ဆက်ပြောသည်။

ရခိုင်ပြည်နယ်မှ ထွက်ရှိသော သဘာဝဓါတ်ငွေ့အား ဗမာ အစိုးရမှ တရုတ်သို့ ပိုက်လိုင်း သွယ်တန်းကာ ရောင်းချရန် စီစဉ်နေပြီး အဆိုပါ သဘာဝ ဓါတ်ငွေ့ စီမံကိန်းကြောင့် ရခိုင်ဒေသခံများမှာ အကျိုးမခံစားရသည့် အပြင် လယ်သိမ်းခံရခြင်း၊ အိမ်များ ပြောင်းရွေ့ရခြင်း၊ သဘာဝ ပတ်ဝန်းကျင် ပျက်စီးခြင်း စသည့် ဆိုးကျိုးများနှင့် အတူ လူမူဘ၀ မတည်ငြိမ်မူများနှင့် ရင်ဆိုင်နေကြရကြောင်း ဒေသအတွင်းက လာသော သတင်းများ အရ သိရသည်။

-------------------------------------------------------------------------------------------------------------------------------
.: နိရဉ္စရာမှ သတင်းများကို မည်သူ မဆို လွတ်လပ်စွာ အသုံးပြုနိုင်ပါသည်။ သို့သော်လည်း သတင်း ရင်းမြစ်နေရာတွင် နိရဉ္စရာ၏ အမည်ကို ရေးသား ဖေါ်ပြပေးစေလိုပါသည်။

ရွှေသဘာဝဓာတ်ငွေ့ နှင့်ပတ်သက်သည့်သတင်းများစုဆောင်းချက် ၁

ကန်ဒေါ်လာတစ်ဘီလီယံခန့်ကုန်ကျမည့် ရွှေသဘာဝ ဓာတ်ငွေ့စီမံကိန်း ကျောက်ဖြူတွင် တည်ဆောက်နေ

ကျော်မြတ်ဇံ

ရန်ကုန်၊ ဒီဇင်ဘာ ၂- ရခိုင်ကမ်းလွန်ဒေသတွင် ဖက်စပ်လုပ် ကိုင်သော ရွှေသဘာဝဓာတ်ငွေ့စီမံကိန်းကို အမေရိကန်ဒေါ် လာ တစ်ဘီလီယံခန့်အကုန်ကျခံကာ ကျောက်ဖြူမြို့နယ်တွင် ဒေ၀ူးနှင့်  အခြားဆက်စပ်ကုမ္ပဏီများက စတင်ဆောက်လုပ်နေပြီဖြစ်ကြောင်း ဒေ၀ူးကုမ္ပဏီမှ တာဝန်ရှိသူတစ်ဦးကပြောသည်။
အဆိုပါရွှေသဘာဝဓာတ်ငွေ့ စီမံကိန်းမှ သဘာဝဓာတ်ငွေ့များကို ၂၀၁၃ မေ ၁ရက်တွင် ကျောက်ဖြူမှ တရုတ်ပြည် ကူမင်းသို့ စတင်ပို့လွှတ်မည်ဖြစ်ပြီး နှစ် ၃၀ကြာ ရောင်းချသွားမည်ဖြစ်ကြောင်းသိ ရသည်။     
    "အဲဒီရက်ကစပြီး တရုတ်နိုင်ငံ ကို စတင်တင်ပို့နိုင်အောင် လူအင်အား အလုံးအရင်းတွေနဲ့ ကျောက်ဖြူမှာ လုပ်ဆောင်နေပါတယ်။ အခုဆိုရင် ဓာတ်ငွေ့ ပိုက်လိုင်းစတင်သွယ်တန်းမယ့်နေရာ၊ ဓာတ်ငွေ့ပို့လွှတ်မယ့်ဆောက်အအုံ၊ ကွန်ထရိုးစခန်း ပစ္စည်းသိုလှောင်ရုံနဲ့အခြားလိုအပ်တဲ့စက်ရုံ အလုပ်ရုံတွေကို ပြည်တွင်း၊ ပြည်ပက ပညာရှင်တွေ စတင်ဆောက်လုပ်နေပါ တယ်" ဟု ယင်းက ပြောသည်။
    ယင်းကဲ့သို့ ရွှေ project စီမံ ကိန်းကို အဆင့်သုံးဆင့်ဖြင့် ပြုလုပ်နေကာ ပထမအဆင့်အနေဖြင့် ပင်လယ်ထဲတွင် ပလက်ဖောင်းတည်ဆောက်ခြင်း၊ ဒုတိယ အဆင့်အနေဖြင့် offshore တည်ဆောက် ခြင်း၊ တတိယအဆင့်အနေဖြင့် on shore gas terminal နှင့် supply base တည် ဆောက်ခြင်း စသည်တို့ဖြစ်ရာ စီမံကိန်း တွင်သုံးမည့် ပလက်ဖောင်း တည်ဆာက်ခြင်းကို ပြည်ပတွင်၂၀၀၉ ခုနှစ်က ပြုလုပ် ခဲ့ပြီး နှစ်နှစ်ခန့်ကြာမြင့်မည်ဖြစ်သည်။
    ယင်းကဲ့သို့ ရွှေသဘာဝဓာတ် ငွေ့ project စီမံကိန်းကို ဒေ၀ူးအင်တာ နေရှင်နယ်ကုမ္ပဏီက ၅၁ရာခိုင်နှုန်း၊ အိန္ဒိယ ongc က၁၇ရာခိုင်နှုန်း၊ gail ကုမ္ပဏီက ၈ဒသမ၅ရာခိုင်နှုန်း၊ ကိုးရီးယားkorea gas crop က ၈ဒသမ၅ရာခိုင်နှုန်း၊ မြန်မာ့ရေနံ နှင့် သဘာဝဓာတ်ငွေ့လုပ်ငန်းMOGE က ၁၅ ရာခိုင်နှုန်းစသဖြင့် အသီးသီးရင်း နှီးမြှုပ်နှံထားကြကြောင်း ကျောက်ဖြူမြို့ နယ် ရွှေကျွန်းသန္တာမဂ္ဂဇင်းတွင် ဖော်ပြချက် အရ သိရသည်။
    "ရွှေသဘာဝ ဓာတ်ငွေ့စီမံကိန်း က တာဝန်ရှိသူတွေအနေနဲ့ ကျောက်ဖြူ မြို့မှာရှိတဲ့ဆေးရုံ၊ စာသင်ကျောင်းနဲ့တခြား လိုအပ်တဲ့ နေရာတွေမှာတော့ အမြဲတမ်း လိုလို အလှူလုပ်ကြတယ်။ ပညာရေး၊ ကျန်းမာရေးနဲ့ တခြားပရဟိတလုပ်ငန်း တွေမှာလဲ ပါဝင်လှူဒါန်းကြပါတယ်။ နိုင်ငံ ခြားသားတွေ လာလှူတာရှိသလို တာဝန် ရှိတဲ့ ပြည်တွင်းကလူတွေ လာလှူတာတွေ လဲရှိတယ်"ဟု ကျောက်ဖြူမြို့နေ ပြည်သူ တစ်ဦးက ပြောသည်။
     ဒေ၀ူးနှင့် တခြားဆက်စပ် ကုမ္ပဏီများသည် ရခိုင်ကမ်းလွန်ဒေသမှ ရေနံနှင့်သဘာဝဓာတ်ငွေ့တူးဖော်မှုလုပ်ငန်း များကို ၂၀၀၃ခုနှစ်တွင် စတင်လုပ်ဆောင် လာကြရာ ကျောက်ဖြူမြို့မှ မိုင်၆၀အကွာ ဖရုံကာကျွန်းအနောက်ဘက်မှ ရွှေနှင့်ရွှေ ဖြူ သဘာဝဓာတ်ငွေ့သိုက်များကို၂၀၀၄ ခုနှစ်တွင်လည်း ကျောက်ဖြူမြို့မှ မိုင် ၂၀ အကွာတွင်ရှိသည့် မြသဘာဝဓာတ်ငွေ့ သိုက်များကို၂၀၀၆ခုနှစ်တွင် ရှာဖွေတွေ့ရှိ ခဲ့ကြကြောင်း သိရသည်။
    ဒေ၀ူးနှင့်ဆက်စပ်ကုမ္ပဏီများ သည် ယင်းစီမံကိန်းမှ ထွက်ရှိလာသည့် သဘာဝဓာတ်ငွေ့များကို နှစ်၃၀စီမံကိန်း ဖြင့် ရောင်းချရန်China National   United Coporation Agreement  Shwe Project စီမံကိန်းကို ၂၀၀၄ခုနှစ် ဒီဇင်ဘာ၂၄ရက် တွင် လက်မှတ်ရေးထိုးခဲ့ကြသည်။
kmzan@yangonmedia.com

ဖခင်လောင်းတွေ ရဲ့တာဝန်တွေ