Friday, July 17, 2015



အိမ်ဖေါ်…

မြန်မာပြည်မှာတော်တော်များများ အိမ်ဖေါ်တွေထားနိုင်ကြသည်။
နဲနဲပါးပါးအလုပ်အကိုင်လေးအဆင်ပြေတယ်ဆိုရင်ပဲအိမ်ဖေါ်ကောင်မလေး နှစ်ယောက်သုံးယောက် နင့်အတော်ဇိမ်ကျကျနေနိုင်ကြသည်။
တချို့အရာရှိတွေ ငွေကြေးပြည့်စုံသူတွေဆိုလျှင် အိမ်ဖေါ်ကောင်မလေးသုံးလေးယောက်အပြင် ခြံစောင့်နင့်၊ကားဒရိုင်ဘာနင့်၊မာလီနင့် စည်းစိမ်ယူနိုင်ကြ၏။

အိမ်ဖေါ်မိန့်ခလေးတွေဆိုလျှင် (တောက ကောင်မလေးတွေ)ဟုပြောတတ်ကြ၏။
ဆင်းရဲသည့်တောသူတောင်သား သားသမီးတွေ ပညာကိုကောင်းစွာမသင်နိုင်၊မိဘတွေက ပင်ပန်း ဆင်းရဲတော့ ကိုယ့်သားသမီးတွေငယ်ငယ်ရွယ်ရွယ်နင့် မြို့ တက်ပြီးအိမ်ဖေါ်လုပ်ခိုင်းပြီး၊ရလာသည့် ၀င်ငွေလေးတွေနင့်ဘ၀ကိုရတည်ကြရသည်။

မြန်မာပြည်မှအိမ်ဖေါ်တယောက်၏ဘ၀ကားသိပ်သက်သက်သာသာတော့မဟုတ်။
နေ့ရောညပါ အိမ်ကြီးရှင်တို့ခိုင်းတာမှန်သမျှ မငြိုမငြင်စိတ်တိုင်းကျအောင်ခိုင်းတာ လုပ်ပေးကြ ရသည်။
ဒီကြားထဲသူတို့ထိမ်းရသည့်ခလေးက မတော်တဆ ကလေးတို့သဘာဝ ဆော့ကစား၍ ထိခိုက်နာ ကျင်မှုဖြစ်လျှင် အရိုက်အပုတ် အထုအထောင်းတွေပါခံကြရသည်။
မီးပူဖြင့်အသားကိုဟတ်တာခံကြရသည်။ဖက်ဆက်ဂျပန်ထက်ဆိုးတဲ့အနှိပ်အစက်တွေခံကြရသည်။
ရုပ်ပ်ိုင်းဆိုင်ရာ၊စိတ်ပိုင်းဆိုင်ရာနှစ်မျိုးလုံး အချိန်ပြည့်ဖိစီးနှိပ်စက်ခြင်းကိုခံနေကြရသည်။
ဒီကြားထဲ အပျိုးဖေါ်ပေါက်စ လှတ ပတ အိမ်ဖေါ်လေးတွေက (အိပ်ဖေါ်)လုပ်ပေးရသည့် သာဓကတွေလဲမကြားချင်မှအဆုံး။
မြန်မာပြည်တွင်အိမ်ဖေါ်တွေ၏ဘ၀တွေက တခေတ်တခါက ကမ္ဘာ့သမိုင်းတွင်ကျေးကျွန်တွေလို
လူကိုလူလိုဆက်ဆံခြင်းမခံကြရသည့်အနေအထားတွေဖြစ်သည်။
အိမ်ဖေါ်တွေကိုတန်းတူလူစားရင်းသွင်းသည့်အလေ့အထမြန်မာပြည်တွင်မရှိသေးပါ။

အိမ်ဖေါ်မိန့်ခလေးအိမ်ဖေါ်တို့၏လစာမှာ မြန်မာငွေတလ သုံးထောင် မှ ငါးထောင်အထိရ တတ်ကြ သည်ဟုဆိုသည်။(ခုတော့ဒီထက်များကောင်းများလာနိုင်ကြသည်။)
တလ လုံးလုံးနေ့ရောညပါ ကိုယ်ပင်ပန်းစိတ်ပင်ပန်းကြီးစွာခေတ်သစ်ကျေးကျွန်တွေပမာလုပ်ကိုင်
ပေးမှ ခုခေတ်ပေါက်ဈေးဖြင့် ၃ ဒေါ်လာမှ ၅ ဒေါ်လာထိ ရရှိသည့်သဘောဖြစ်သည်။
မြန်မာပြည်မှ အိမ်ဖေါ်တယောက်၏တလ လစာသည် နိုင်ငံတကာမှ သတ်မှတ်ထားသည့် အနိမ့် ဆုံးတနာရီစာပမာဏမျှသာဖြစ်သည်။
ထိုမျှပမာဏသည်ပင် သူတို့အတွက်ရွာမှာကျန်ခဲ့သည့်မိဘတွေကို ထောက်ပံ့နိုင်အောင်ကြိုစားကြရ သည်။


အိမ်ဖေါ်မရှိ

ဥရောပ က ချမ်းသာတဲ့တိုင်းပြည်တွေမှာ အိမ်ဖေါ်မထားနိုင်ကြ။ဝန်ကြီးချုပ်လို တိုင်းပြည်၏အမြင့် ဆုံးရာထူးတာဝန်ယူထားသူတွေမှာပင်အိမ်ဖေါ်မထားနိုင်ကြ။မီးပူတွေကိုယ်တိုင်တိုက်၊အ၀တ်တွေကိုယ်တိုင်လျှော် အိမ်သန့်ရှင်းရေးကိုယ်တိုင်လုပ်ကြရသည်ဟုသိရသည်။

တိုင်းပြည်တာဝန်အရ အရေးကြီးသည့်ကိစ္စဆိုလျှင်တော့ တိုင်းပြည်က ပေးထားသည့်ခံစားခွင့်တွေ
နှင့်အတူ ကားဒရိုင်ဘာကကားမောင်းတာမျိုးတွေရှိတတ်ကြသည်။

သန်းကြွယ်သူဌေးတွေမှာတော့ တပတ်ဘယ်နှစ်နာရီလာပြီးသန့်ရှင်းရေးလုပ်ပေးဆိုတာမျိုးအချိန်
ပိုင်းဝန်ထမ်းတွေရှိ တတ်ကြ သည်ဟုသိရသည်။

ဥရောပလိုနိုင်ငံမှာ အိမ်ဖေါ်ကိုနေ့ရောညပါ ခေါ်ထားဖို့မပြောနင့် တနေ့တနာရီလောက်ခေါ်ခိုင်းဖို့ပင်
မလွယ်။မလွယ်ဆိုတာ တနေ့တနာရီလောက်ကိုပင်ဘယ်သူမှခေါ်မခိုင်းနိုင်ကြ။
(တော်တော်ဆင်းရဲကြရှာသည်။)

တနာရီဆိုလျှင် တနာရီအလျှောက် ဥပဒေအရသတ်မှတ်ထားသည့်တနာရီစာကိုပေးကြရမည်ဖြစ် သည်။ထိုသို့ပေးသည့်အခါ သန့်ရှင်းရေးလုပ်မည်ဆိုလျှင် သန့်ရှင်းရေးနင့်ပတ်သက်ပြီး လက်မှတ် တွေ ဘာတွေရထားလျှင် သာမန်ထက်ပိုပေးကြရသည်။
တနာရီထက် ၁၅ မိနစ်ပိုသွားလျှင်နောက်ထပ် တနာရီစာထပ်ပေးတော့။
ဒါ့အပြင် ၀င်ငွေခွန်၊နွေရာသီအားလပ်ရက်အတွက်သုံးစွဲမည့်ငွေ(holiday money)၊ ပင်စင်လာစာ အတွက် သတ်မှတ်ငွေ၊စသည့် စသည့်အကြောင်းအရာများကို အလုပ်ရှင်ဆိုသူက အသေအချာ လုပ်ပေးထားရသည်။
လူတယောက်အလုပ် လုပ်သည်ဆိုသည်နင့်ဖေါ်ပြပါအချက်များကို မဖြစ်မနေ လုပ်ကို လုပ်ပေး ရမည့်တာဝန်ရှိနေသည်။
မည့်သည့်အလုပ်ကိုမဆို ကိုယ့်နီးစပ်ရာခင်မင်၍လုပ်ပေးသည်ဆို၍မရ။မိဘချင်းခင်မင်၍သားသမီး
ကိုလစာနဲနဲနင့်ခေါ်ခိုင်းပါသည်ဆို၍မရ။အခွန်ရှောင်မှုဖြင့်၊black လုပ်မှုဖြင့်ခေါ်ခိုင်းသူရော အခိုင်းခံ
သူပါ ထောင်ထဲရောက်သွားနိုင်သည်။

နောက်တချက်က လူတယောက်ကို နေ့ရောညပါ အလုပ်ရှင်အိမ်မှာခေါ်ထားလျှင် ပေးရမည့် ပမာဏ မှာ အလွန်များပြားသွားပြန်သည်။
အဘယ်ကြောင့်ဆိုသော ဥရောပနိုင်ငံတို့တွင့် ညနေ ငါးနာရီမှ မနက် ၇ နာရီအထိကို ညအလုပ်ဟု
သတ်မှတ်ထားသည်။
ညနေ၅နာရီမှစပြီးညအလုပ်အတွက်တနာရီကို ၅၀ အပိုဆောင်းပေးကြရသည်။
ဒါ့အပြင် စနေ တနင်္ဂနွေလို ရုံးပိတ်ရက်တွေ၊ခရစ္စမတ်လို၊ တိုင်းပြည်ရဲ့အမျိုးသားနေ့ လို အခါကြီး ရက်ကြီးတွေ၊မှာ နှစ်ဆပိုပေးကြရသည်။အခါတိုင်းတနာရီကို ၂၀၀ဆိုလျှင် ၄၀၀ပေးရ မည့် အပြင် ညဆိုင်းအတွက်ပါ တနာရီ ၅၀ တိုးပေးရမည်ဖြစ်သည့်အတွက် တနာရီလုပ်အားခမှာ ၄၅၀ အောက် ထစ်ဖြစ်သည်။

အကယ်၍မြန်မာပြည်မှာလို အိမ်ဖေါ်တယောက်ကို အိမ်မှာ နေ့ရောညပါခေါ်ထားလျှင် ပေးရမည့် ပမာဏ မှာ အိမ်ရှင်တွေအလုပ်လုပ်၍ရသည့်လစာထက်ပင်များသွားနိုင်သည်။
ဒါကြောင့်အိမ်ဖေါ်မခေါ်နိုင်ကြခြင်းဖြစ်သည်။

နောက်တချက်မှာ (တောက ကောင်မလေး)ကိစ္စဖြစ်သည်။
နော်ဝေးလိုနိုင်ငံတွင် တောက ကောင်မလေးမရှိပါ။
တောနင့်မြို့ ဘာမှမကွာတော့ပါ။မြို့ နင့်တော အဆောက်အဦး၊လူနေမှုစနစ်၊ တယ်လီဖုန်းအင်တာ နက်သုံးစွဲမှု၊လျှပ်စစ်မီးသုံးစွဲမှု၊အဆောက်အဦးဆောက်လုပ်မှုပုံစံဘာဆိုဘာမှ သိသိသာသာ ကွာခြားခြင်းမရှိပါ။
နော်ဝေးလယ်သမားတို့ချမ်းသာကြသည်။နိုင်ငံရေးနယ်ပယ်တွင်လဲသြဇာအာဏာအတော်ရှိကြ
သည်။(နော်ဝေးလယ်သမားတွေအကြောင်းသီးသန့်ရေးပါအုံးမည်။)
နော်ဝေးနိုင်ငံ၏မည်သည့်နေရာဒေသတွင်လူရယ်လို့ဖြစ်လာလျှင်စာသင် ကျောင်းကို မဖြစ် မနေပို့ကြရပါသည်။
ခလေးရှိလျှင်ကျောင်းရှိရပါသည်။
အခြေခံပညာကျောင်းများကိုစတင်တည်ဆောက်လာခဲ့ကြသည့်စနစ်ကိုက သိပ်စိတ်ဝင်စား ဖို့ ကောင်း သည်။
နော်ဝေးတို့က (လူတိုင်းသည်ဘုရားသခင်ဖန်ဆင်းထားတာဖြစ်၍ လူတိုင်းတန်းတူပညာ သင်ကြား ခွင့်ရှိရမည်)ဆိုသည့်မူဝါဒကိုအခြေခံပြီးတည်ဆောက်ထားခြင်းဖြစ်သည်။
(နော်ဝေးပညာရေးသမိုင်းမှ)

ထို့ကြောင့် ချမ်းသာပြီးလူ့အခွင့်အရေးအပြည်အ၀ရှိကြသည့်နိုင်ငံတွေမှာ အိမ်ဖေါ်တယောက်အိမ်
မှာထားဖို့ဆိုတာ အိမ်မက်ပင် မမက်နိုင်ကြသည့်သဘောဖြစ်သည်။
အ၀တ်ကိုယ်တိုင်လျှော်၊ကြမ်းကိုယ်တိုင်တိုက်၊အစားအသောက်ကိုယ်တိုင်ချက်ပြုတ်၊ကားကိုယ်တိုင်မောင်း ပြီးအစစ ကိုယ့်အားကိုယ်ကိုးကြရသည့်လူနေမှုစနစ်ဖြစ်သည်။
လူတယောက်ကို ဈေးပေါပေးဖြင့်ကြိုက်သလိုခိုင်းသည့်ခေတ်စနစ်ဆိုးကြီးကား ဒီနိုင်ငံတွေမှာ မရှိကြတော့ပါ။
သူတို့လူ့အဖွဲ့အစည်းမှာအိမ်ဖေါ်တွေကင်းမဲ့ကုန်ကြပြီ…..

 အောင်မြင်စိုး ဖေ့စ်ဘုခ်စာမျက်နှာမှကူးယူဖေါ်ပြပါသည်။

သဇင်ရနံ့
၁၆၊၀၇၊၂၀၁၅