Monday, July 9, 2012

ရိုဟင်ဂျာဖြစ်ခွင့်မရလိုက်သော ဘင်္ဂလားဒေ့ခ်ျနိုင်ငံသား ၄၈ ဦး

မလေးရှားနိုင်ငံသို့ တရားမ၀င် ခိုးလှေဖြင့် ထွက်ခွာရန်အတွက် ပြင်ဆင်နေသော ဘင်္ဂလာဒေခ်ျ့   နိုင်ငံသား ၄၈ ဦးကို လူမှောင်ခို သမားနှစ်ဦးနှင့် အတူ ဘင်္ဂလာဒေခ်ျ့ အထူး မူခင်း နှိမ်နှင်းရေး တပ်ဖွဲ့က ယမန်နေ့ နံနက်ပိုင်းက ဖမ်းဆီးလိုက်သည်။
လူကုန်ကူးသူ လက်မှ ကယ်တင်လိုက်နိုင်သော ဘင်္ဂလာဒေခ်ျ့ နိုင်ငံသားများ (ဓါတ်ပုံ- Star)
ဖမ်ဆီးခံရသူ ဘင်္ဂလာဒေခ်ျ့နိုင်ငံသားများ လူမှောင်ခို အဖွဲ့တစ်ခု၏ အစီအစဉ်ဖြင့် မလေးရှား သို့ မော်တော်ဘုတ် တစ်စီးဖြင့် ထွက်ခွာရန် စီစဉ်နေစဉ် စစ်တကောင်းမြို့ Kadamtali အရပ်ရှိ ဟိုတည် (၄) ခုမှ ဖမ်းဆီးရမိခြင်း ဖြစ်ကြောင်း အထူး မူခင်း တပ်ဖွဲ့က ပြောကြားသည်။
“ ကျွန်တော်တို့ အမှတ် (၇) Rapid Action Battalion တပ်ရင်းက တနင်္ဂနွေနေ့ နံနက် အစောကြီး အချိန်မှာ သတင်းအရ ဟိုတည် ၄ ခုကို ၀င်ရောက်စီးနှင်းစဉ်မှာ ဖမ်းမိတာ ဖြစ်ပါတယ်” ဟု ဗိုလ်မှူး ရက်ခီးဘူလ် အာမီက ပြောသည်။
ဖမ်းဆီးခံရသူ ၄၈ ဦးမှာ ရက္ကန်းသမား၊ လယ်သမား၊ ကုန်စုံဆိုင် ရောင်းသူနှင့် အလုပ်အကိုင် မရှိသူများ ဖြစ်ပြီး သူတို့မှာ ဘင်္ဂလာဒေခ်ျ့ နိုင်ငံ ဆီရဂန်းစီ၊ နာဂေါဝါ၊ ပါဗနာ၊ မာဂူရ၊ ဂျန်နီ ဒက် မြို့များမှ ဖြစ်ကြောင်း အာဏာာပိုင်များမှ ပြောသည်။
မလေးရှားသို့ သွားရောက်ရန် အတွက် ဟိုတည်များတွင် တည်းခိုနေသူ ဘင်္ဂလာဒေခ်ျ့နိုင်ငံသား အရေအတွက်မှာ ၁၀၀ ကျော်ရှိပြီး အများစုမှာ ဟိုတည်များကို ၀င်ရောက်စီးနှင်းစဉ် ထွက်ပြေး လွှတ်မြောက်သွားကြသည်ဟု သိရသည်။
တနင်္ဂနွေနေ့ နံနက်ပိုင်းက ထုတ်လွှင့်သွားသော ဘီဘီစီ ( ဘင်္ဂလာ အစီအစဉ်)တွင် ဖမ်းဆီးခံရသူ ၁၀၀ နီးပါးခန့် ရှိကြောင်း၊ ထိုသူများကို မလေးရှားသို့ သွားရောက်ရန် အတွက် ပထမဆုံး အနေဖြင့်  မြန်မာနိုင်ငံ ရန်ကုန်မြို့သို့ ပို့ဆောင်မည် ဖြစ်ကြောင်း၊ ရန်ကုန်မှ တဆင့် မလေးရှားသို့ ဆက်လက် ပို့ဆောင်မည် ဖြစ်ကြောင်း သတင်း ထုတ်လွှင့်သွားခဲ့သည်ဟု သိရသည်။
ယခုကဲ့သို့ ဘင်္ဂလာဒေခ်ျ့ နိုင်ငံသားများမှာ ရေလမ်းကြောင်းမှ တဆင့် တရားမ ၀င် မော်တော် ဘုတ်များ၊ ငါးဖမ်း စက်လှေများကို အသုံးပြုပြီး  မလေးရှားသို့ တင်ပို့နေကြသည်မှာ ၁၉၉၆ ခုနှစ်ကတည်းက ဖြစ်ကြောင်း လူမှောင်ခိုသမား စူရူ ဇာမန်က ပြောသည်။
ဘင်္ဂလာဒေခ်ျ့နိုင်ငံသား အများအပြားမှာ ခိုးလှေများဖြင့်သွား၍ ထိုင်း၊ မလေးရှားသို့ ရောက်ရှိ သွားသော အခါ သူတို့ကို သူတို့ ရိုဟင်ဂျာများ ဖြစ်ကြောင်း၊ မြန်မာနိုင်ငံတွင် အစိုးရမှ လူ့အခွင့်အရေး ချိုးဖေါက်၍ ထွက်ပြေးလာသူများ ဖြစ်ကြောင်း၊ ထိုသို့ ပြောဆိုခြင်းအားဖြင့် ခိုလုံခွင့်ရရှိပြီး မလေးရှားရှိ ယူအန်အိပ်စီအာ ဒုက္ခသည်များ ရုံးကလည်း ချက်ချင်း ဒုက္ခသည် အသိအမှတ်ပြု ကဒ်များ ထုတ်ပေးကြောင်း သိရသည်။
ယခု ဖမ်းဆီးခံရသူများမှာ ဘင်္ဂလာဒေခ်ျ့ ရေပိုင်နက်ကို ကျော်လွန်ပြီး နိုင်ငံတကာ ရေပိုင်နက် အတွင်း ရောက်ရှိသွားပါက ရိုဟင်ဂျာ ခံယူပြီး ခရီးသွားကြမည့်သူများ ဖြစ်ကြောင်း သိရသည်။
ယခုအခါ မြန်မာနိုင်ငံတွင်လည်း မလေးရှားသို့ တရားမ၀င် စက်လှေများဖြင့် သွားရောက်သူ ဘင်္ဂလာဒေခ်ျ့ နိုင်ငံသား အများအပြားကို ဖမ်းဆီး မိနေပြီး လွန်ခဲ့သော ရက်အနည်းငယ် အတွင်းကလည်း ဂွမြို့နယ် ဂွကျွန်းတွင် ဘင်္ဂလာဒေခ်ျ့ နိုင်ငံသား ၁၀၀ နီးပါးခန့်ကို ဖမ်းမိခဲ့သည်။
အလားတူ မွန်ပြည်နယ် ရေးမြို့နယ်တွင်လည်း မလေးရှားသို့ သွားသူ ဘင်္ဂလာဒေခ်ျ့နိုင်ငံသား ၈၂ ဦးအား မေလအတွင်းက ဖမ်းဆီးပြီး ဇွန်လ ၁၉ ရက်နေ့က ထောင် တနှစ်စီ ချမှတ်ခဲ့သည်။ အဆိုပါ သတင်းကို ဇွန်လ ၂၂ ရက်နေ့က သတင်း ရေးသား ဖေါ်ပြကြရာတွင် ဗွီအိုအေ (မြန်မာပိုင်း အစီအစဉ်)မှ ဘင်္ဂလားဒေ့ရှ် နိုင်ငံသား ၉၀ ခန့် လူဝင်မှုဥပဒေအရ ထောင်ဒဏ်ချမှတ် ခေါင်းစီးဖြင့် သတင်းရေးသားဖေါ်ပြခဲ့ပြီး မစ္ဈိမမှ ဘင်္ဂါလီ ၈၂ ဦးအား လဝက ပုဒ်မဖြင့် ရေးမြို့ တရားရုံးမှ ထောင်ဒဏ်ချ ခေါင်းစီးဖြင့် ရေးသားဖေါ်ပြခဲ့သည်။
အလားတူ ကောင်ဝါ သတင်းဌာနက တရားမ၀င် နိုင်ငံခိုးဝင်မှုဖြင့် ဘင်္ဂါလီ  ၈၂ ဦးကို ထောင်ဒဏ် ချမှတ် ခေါင်းစီးဖြင့် သတင်းရေးသားဖေါ်ပြသည်။
သို့သော် ပြည်ပ အခြေစိုက် ဧရာဝတီ သတင်းဌာနက အဆိုပါ သတင်းကို Rohingya Boat people Sentenced on Immigration Charges ခေါင်းစီးဖြင့် ရေးသား ဖေါ်ပြခဲ့ပြီး  ထောင်ချခံရသူ ၈၂ ဦးမှာ ရိုဟင်ဂျာများ ဖြစ်ကြောင်း ဖေါ်ပြသည်။ ၎င်းသတင်းတွင်ပင် Arakan Project မှ ဒါရိုက်တာ Chris Lewa ယခုကဲ့သို့ မိမိနိုင်ငံသားများကို မိမိမြေပေါ်တွင် ဖမ်းပြီး ထောင်ချခြင်းမှာ လက်မခံနိုင်ကြောင်း ပြောကြားခဲ့သည်။




ဝံသာနုစိတ်ဓာတ်

မြန်မာစကားထဲမှာ ၀ံသာနုစိတ်ဓာတ် လုို့ခေါ်တဲ့ဝေါဟာရတခုရှိပါတယ်။
အဲဒါက ပါဠိကဆင်းသက်လာတဲ့ ပါဠိသက် ဝေါဟာရတခုဖြစ်ပါတယ်။
ပါဠိစကား ၀ံသ (= အမျိုး) နဲ့ အနုရက္ခိတ (= စောင့်ရှောက်ခြင်း) ဆုိုတဲ့ စကား ၂ လုံးကုို ပေါင်းစပ်ထားတာပါ။
မူလပါဠိစကားအပြည့်ကတော့ ၀ံသာနုရက္ခိတ ဖြစ်ပြီး မြန်မာမှုပြု လုိုက်ပြီးတဲ့နောက် မှာတော့ ၀ံသာနု ရယ်လုို့ဖြစ် လာတာပါ။

မြန်မာနုိုင်ငံလွတ်လပ်ရေးကြိုးပမ်းစဉ်ကာလတုံးက လူမျိုးခြားအင်္ဂလိပ်ကုို အထင်ကြီးပြီး အင်္ဂလိပ်စာနဲ့ အင်္ဂ လိပ်စကားကုိုမှ လူရာသွင်းကြတဲ့ ထုိုခေတ်က မြန်မာ့လူ့ဘောင်အတွင်း မိမိတုို့ရဲ့ကုိုယ်ပုိုင် ဘာသာစကား နဲ့စာပေကုို ချစ်မြတ်နုိုးပြီး မြန်မာစကား မြန်မာစာကုို သုံးနှုန်းပြော ဆုိုကြဘုို့ ဆုိုတဲ့ ရည်ရွယ်ချက်နဲ့ မြန်မာ ၀ံသာနု အဖွဲ့ဆုိုပြီး ပေါ်ပေါက်လာခဲ့တာ သမိုင်းစာ မျက်နှာများမှာ တွေ့မြင်နုိုင်မှာ ဖြစ်ပါတယ်။




မွန်ဘာသာစကားမှာ စကားပုံတခုရှိပါတယ်။
အဲဒါကဘာလဲဆုိုတော “မြမောဝ်ဇေတ် ဟွံထောံသ္မူ၊ မ္နိဟ်ဇေတ် ဟွံထောံ ဂကူ“ ဆုိုတဲ့စကားဖြစ်ပါတယ်။
အဓိပ္ပါယ်ကတော့ “နံ့သာစစ်မှန်လျှင်အနံ့ကုိုမပစ်၊ လူစစ်မှန်လျှင် အမျိုးကုိုမပစ်“ လုို့ အဓိပ္ပါယ်ရပါတယ်။

ဆုိုလုိုတာက လူဆုိုတဲ့ အသိစိတ်ဓာတ်ရှိသူတွေဟာ အမျိုးကုို ချစ်တဲ့စိတ်၊ ၀ံသာနုစိတ်ထားရှိရမယ်လုို့ ဆုိုလုိုတာပါ။
မြတ်စွာဘုရားကုိုယ်တော်တုိုင်သော်မှ ပါရမီ ဖြည့်ကျင့်တော်မူခဲ့ရာ ကာလတလျှောက် သူဖြစ်လေရာဘ၀မှာ သူ့အမျိုးကုို သူစောင့်ရှောက်ခဲ့တဲ့သာဓကတွေ အမြောက်အမြားရှိခဲ့ပါတယ်။
ခွေးဘ၀မှာ တခါဖြစ်တော့ ရှင်ဘုရင်ရဲ့အသုံး အဆောင်သားရေပစ္စည်းတခုကုို စည်းမစောင့်တဲ့ခွေးတကောင်ကကုိုက်မိတာနဲ့ ခွေးတွေ အားလုံးမင်းအမျက်သင့်လုို့ မျိုးတုံး သတ်ဖြတ်ခံကြရ တဲ့အခါမှာ ဘုရားအလောင်း ခွေးကနေပြီး သူ့အမျိုးတွေကုို ကာကွယ်ခဲ့တဲ့သာဓက ဇာတ်တော်တွေမှာ ရှိခဲ့ပါတယ်။

အလားတူသာဓကတွေလဲ အမြောက်အမြားရှိပါတယ်။
ဒါကဘာကုိုပြသလဲဆုိုတော့ တိရစ္ဆာန် တွေတောင် ၀ံသာနုစိတ်ရှိကြတယ်ဆုိုတာကုိုပြတာပါ။
ဒါဆုိုရင် လူတွေလဲ ၀ံသာနုစိတ်ရှိရမှာပေ့ါ။
သိင်္ဂါ လောဝါဒသုတ်လာ သားသမီး ကျင့်ဝတ်ငါးပါးထဲမှာ “စောင့်လေမျိုးနွယ်“ ဆုိုတာလဲ တပါးပါဝင် နေတာကုို တွေ့မြင်ရပါတယ်။


တရုတ်တွေက သူတုို့အမျိုးကုို သူတုို့စောင့်ထိန်းကြတယ်။ သူတုို့လူမျိုးတွေချင်းပဲ အိမ်ထောင်ပြုကြတာ အများစုတွေ့နုိုင်ပါတယ်။
လူမျိုးခြားကုိုအိမ်ထောင်ပြုမိရင် အဲဒီလူဟာအမျိုးတွေကြား မျက်နှာငယ်အထင် သေးခံရပြီး တချို့ဆုိုဆွေမျိုး စာရင်းကတောင် အထုတ်ခံရတဲ့အထိပါ။ ဒါသူတုို့ရဲ့ ၀ံသာနုစိတ်ဓာတ်ပါ။
ကုလား တွေလဲ ထုိုနည်းတူပါပဲ။

ဗုဒ္ဓဘာသာ မြန်မာလူမျိုးတွေအနေနဲ့ အစွန်းရောက်စိတ်ဓာတ် မထားရှိသင့်ပေမယ့် အမျိုးကုိုစောင့်တဲ့ ၀ံသာနု စိတ်ကလေးတော့ ရှိသင့်ကြပါတယ်။

အခုနောက်ပုိုင်း မြန်မာလူငယ်တွေ အကြောင်းအမျိုးမျိုးကြောင့် ပြည်ပထွက်လာတာများတော့ ၀ံသာနု အရေးကိစ္စဟာ အင်မတန်အရေးကြီးလာပါတယ်။
ဝံသာနုစိတ်ဓာတ် ဘာသာရေးအသိစိတ်ဓာတ် ရေခံမြေခံ ကောင်းခဲ့သူတွေကတော့ ရေခြားမြေခြားမှာ ဘယ်လုိုအကြောင်းကြောင့်ပဲ ရောက်ရှိနေပါစေ ကုိုယ်နဲ့အသွင်တူ ယဉ်ကျေးမှုစရုိုက်လက္ခဏာတူတဲ့ ကုိုယ့်လူမျိုးကုိုပဲ မရရအောင်ရှာပြီး အိမ်ထောင်ဖက် ရွေးချယ်ကြပါတယ်။

ဒါဟာဝံသာနုစိတ်ဓာတ်ပါပဲ။
တချို့ကျတော့လဲ ဖူးစာရေစက်ကုို အကြောင်းပြပြီး ကြုံတဲ့နေရာမှာ ကြုံရာ လူမျိုးခြားနဲ့အိမ်ထောင်ပြုကြပါတယ်။
သူတုိ့ရဲ့အကြောင်းပြချက်ကတော့ ဖူးစာပေါ့တဲ့။

ထားပါတော့ ဖူးစာဆုိုလုို့ရှိရင်လဲ။ ကြုံသလုိုယူခဲ့ရတဲ့ကုိုယ့်ရဲ့အိမ်ထောင်ဖက်ကရော ဘယ်လောက် flexible ဖြစ်သလဲ။
ဒါကုိုလဲဆန်းစစ်ရပါမယ်။

လူမျိုးကွဲပါစေ၊ ကုိုးကွယ်တဲ့ဘာသာတူရင်တော့ ပြဿနာအထွေ အထူးမရှိပါဘူး။
ဘာသာမတူရင်တော့ flexible ဖြစ်ရေးမဖြစ်ရေးက စကားပြောလာရပါပြီ။
လွတ်လတ် မှုကုိုအလွန်တရာတန်ဘုိုးထားတဲ့ ခေတ်ကြီးထဲမှာ ကုိုယ့်ရဲ့အိမ်ထောင်ဘက်က ဘာသာတရားနဲ့ပတ်သက်လုို့ လွတ်လတ်မှု ပေးထားရင်တော့ တော်ပါသေးရဲ့။

ဒီလုိုမှမဟုတ်ဘဲ ဘုိုးဘွားမိဘကစပြီး ကုိုးကွယ်ယုံကြည် လာခဲ့တဲ့ မိမိရဲ့ဘာသာတရားကုို အတင်းအကြပ်စွန့်ပစ်စေပြီး သူ့ဘာသာတရားထဲ သွတ်သွင်းတာမျိုး ဆုိုရင်တော့ မိဘတွေအနေနဲ့ သားသမီးလဲဆုံး၊ ဘာသာလဲဆုံးတဲ့ မိအေးနှစ်ခါနာ ဖြစ်ကြရပြီပေါ့။



တလောကပဲ မတွေ့ဖြစ်တာအတော်ကြာခဲ့တဲ့ အသိဒကာမတယောက် သူ့အမျိုးသား ဂျာမာန်တယောက်နဲ့ စာရေးသူကုို လာတွေ့ကြပါတယ်။
သူနေတဲ့မြို့ကနေ ၄ နာရီကြာကားမောင်းပြီး လာရတယ်လုို့ဆုိုတယ်။
သူ့အမျိုးသားကတော့ ဗုဒ္ဓဘာသာဝင်ဖြစ်ပြီး မြန်မာပြည်မှာလဲ ရဟန်းဝတ်ဖူးပါတယ်။
အခုလဲ အမြဲတမ်း ၀ိပဿနာတရား အားထုတ်တယ်လုို့ဆုိုတယ်။

သူကလဲရဟန်းတော်တွေနဲ့တွေ့ရင် မြန်မာတွေလုိုပဲ ရုိုရုိုသေ သေဦးချရှိခုိုးပြီး တရားအကြောင်းပဲ အမြဲပြောဖြစ် ဆွေးနွေးဖြစ်ပါတယ်။
ဒီလုိုအိမ်ထောင်ဖက်မျိုးကတော့ ဘာမှပြောစရာမရှိပေမယ့် သူပြောတဲ့သူ့မိတ်ဆွေအကြောင်း ကြားရတော့ အတော်လေး စိတ်မသက် မသာဖြစ်ရပါတယ်။


သူ့မိတ်ဆွေ မန္တလေးကမြန်မာအမျိုးသမီးကတော့ မျိုးရုိုးအစဉ်အဆက် ဗုဒ္ဓဘာသာဝင်ဖြစ်ပါလျက်နဲ့ ခရစ် ယာန်ဘာသာဝင် ဂျာမာန်တယောက်နဲ့ညားပြီး ခရစ်ယာန်ဘာသာထဲကုို ပြောင်းသွားရှာပါသတဲ့

ဒါတင် ဘယ်ကမလဲ။
မြန်မာပြည်က ပါလာတဲ့သူ့ကလေးကုိုလဲ ခရစ်တော်ထဲကုို အတင်းသွတ်သွင်းလုိုက်ပါသတဲ့။
ဟုိုနေ့ကသူတုို့လာတာ အဲဒီအမျိုးသမီးက သူ့သားလေးကုို ခရစ်ယာန်ဘုရားကျောင်းမှာ နှစ်ခြင်းပေး အခမ်းအနားအတွက် တက်ရောက်ဘုို့ ဖိတ်ခေါ်လုိုက်တယ်ဆုိုပဲ
။ ကြားရ နားဝမချမ်းသာလုိုက်ပါဘိ။

ဒီလုို လူမျိုးတွေကတော့ “ စောင့်လေမျိုးနွယ်“ ဆုိုတဲ့စကားကုို မြင်ရင်ကြက်ခြေခတ်ဖျက်ပစ်မယ့်ပုံပါပဲ။
သူ့မိဘ တွေကလဲ အလည်အပတ်ဗီဇာနဲ့ ရောက်ရှိနေတော့ သမီးနဲ့မြေးအတွက် နှစ်ယောက်လုံး ရင်ထုမနာ ဖြစ်နေကြတယ်လုို့ဆုိုပါတယ်။
သူ့မိဘမပြောနဲ့လေ... ကုိုယ်တောင်မှကြားရတာ စိတ်မသက်မသာ ဖြစ်ရ တာပဲ။



ဖူးစာလုို့ပြောတယ်ဆုိုရင် ဖူးစာလုို့ပဲထားပါ။ ဘာသာတရားကုိုစွန့်တာက ဖူးစာနဲ့ဘာမှမဆုိုင်ပါဘူး။
ဝံသာနု စိတ်နဲဆုိုင်ပါတယ်။

မျိုးရုိုးစဉ်ဆက် ကုိုးကွယ်ခဲ့တဲ့ဘာသာတရားကုို မစောင့်ထိန်းဘဲစွန့်ပစ်တာဟာ ၀ံသာနု စိတ်ခေါင်းပါး တာပဲဖြစ်ပါတယ်။
ဗုဒ္ဓဘာသာမြန်မာလူမျိုးတွေ ဘယ်နေရာရောက်ရောက်၊ ကြုံတဲ့နေရာမှာ ကြုံ သလုိုအိမ်ထောင်ပြုကြတယ်ပဲဖြစ်ဖြစ် မျိုးရုိုးစဉ်ဆက် ယုံကြည် ကုိုးကွယ်လာခဲ့တဲ့ ဗုဒ္ဓဘာသာတရားကုိုတော့ နောက်ဆုံး ထွက်သက်အထိ စောင့်ထိန်းသွားကြဘုို့ ၀ံသာနုစိတ်ရှိကြဖုို့ ဒီစာကုို ရေးလုိုက်တာပါ။


အရှင်ရတန 


(ဒီဆောင်းပါးဟာ သူရိယ မဂ္ဂဇင်းမာဖတ်ရတဲ့ ဆရာတော်အရှင်ရတန ရဲ့ဆောင်းပါးပါ။ခွင့်ပြုချက်မယူနိုင်သည့်အတွက် တောင်းပန် ပါသည်။)