Wednesday, July 4, 2012

စိတ်ဝင်စားဖွယ်ဆောင်းပါးတပုဒ်ပါ။

By Myo Set on Monday, June 11, 2012

ကျနော့်ရင်တွေပူနေပါတယ်။ ကျနော်အခု ထိုင်နေသောနေရာတွင် အေးစက်နေသော မိုးရေများ ကျဆင်းနေပါသည်။ သို့သော် မိုင်ပေါင်းထောင်နှင့်ချီ၍ ဝေးသော အမိမြန်မာနိုင်ငံမှ ရခိုင်ဒေသအတွက် အများကြီးစိတ်ပူနေပါသည်။

ဘင်္ဂလားများဘာကြောင့် ဒီလို ထကြွသောင်းကျန်းရသနည်း။ အသတ်ခံရသော မွတ်စလင်ဆယ်ဦးကိုယ်စား မကျေနပ်၍လား။ ကျနော်ကတော့ ဤမျှ ရိုးစင်းမည်မထင်ပါ။

ကျနော်တို့တတ်နိုင်လျှင် ၁၉၄၈ခုနှစ်မှစ၍ ရခိုင်ပြည်နယ်အတွင်း ရခိုင်လူမျိုးများ ပျံ့နှံတည်ရှိပုံနှင့် ယနေ့ ၂ဝ၁၂ ခုနှစ်တွင် ၇ခိုင်လူမျိုးများ၊ ကျေးရွာများ ပျံ့နှံ့တည်ရှိပုံများကို နှိုင်းယှဉ်ဖော်ပြစေချင်သည်။ မိမိသိသလောက်က ရခိုင်များသည် တစ်ဖြေးဖြေး ဆုတ်ခွာလာခဲ့ရလေပြီ။
တိုးပွားလာသော လူဦးရေ၊ တရားမဝင်ခိုးဝင်မှု နှင့်တစ်ကွ အကာအကွယ်မဲ့ ရခိုင်များသည်အစိုးရ၏ ဖေးမခြင်းကို မရသည့်အပြင် တစ်ဖက်မှ ခိုးဝင်သူ ဘင်္ဂလားနွယ်များ၏ ကျူးလွန်ခြင်းကို ခံနေခဲ့ရသည်မှာ ဆယ်စုနှစ်များစွာကြာခဲ့လေပြီ။

ပါကစ္စတန်၊ ဘင်္ဂလား စစ်ရေးဖိုရမ်များတွင် သူရို့ဆွေးနွေးကြလေ၏။ မြန်မာပြည်လူဦးရေက ဘင်္ဂလားထက် သုံးဆနည်း၍ အကျယ်အဝန်းက သုံးဆပိုကြီးသည်။ ထိုအနေအထားက မက်လောက်စရာဖြစ်သည်။ တစ်ကယ့်တစ်ကယ် တိုင်းပြည်တစ်ခုသည် စိုက်ပျိုးစရာမြေမရှိလျှင် မလွယ်လှ။ ငွေမည်မျှပင်ရှိစေကာမူ ရေရှည်တွင် အခြားနိုင်ငံများမှ အစားအသောက်ဝယ်ယူနေရပါက ကီးမကိုက်လှချေ။ ထို့ကြောင့် စိုက်ပျိုးမြေများပြားကြွယ်ဝသော မြန်မာပြည်၊ နိုင်ငံတကာနှင့် ဆက်ဆံရာတွင် အစိုးရကြောင့် ပစ်ပယ်ခြင်းခံထားရသောမြန်မာပြည်၊ ပြည်တွင်းစစ်မီးလျှံများ၊ ဆန္ဒပြပွဲများဖြင့် အချိန်ပြည့် ဗဟိုအုပ်ချုပ်ရေးကို စိန်ခေါ်ခြင်းခံနေရသော မြန်မာပြည်အတွက် ရခိုင်နယ်ကို ကျူးကျော်ရေးသည် ထိုသူတို့အတွက် စိတ်အေးလက်အေး အကွက်ချခဲ့ဖို့ အချိန်ရပေမည်။ထိုသို့အကွက်အကွင်းများထဲမှ ယနေ့ မီဒီယာများကို ကြိုးကိုင်နေခြင်းနောက်ကွယ်အကြောင်းများကို ဥာဏ်မီသလောက် တွေးတောကြည့်မိလေသည်။

မြန်မာပြည်ကို ကျွန်ပြုခဲ့သော အင်္ဂလိပ်နှင့် ယနေ့စူပါ ပါဝါ အမေရိကန်တို့သည် ရိုဟင်ဂျာအရေးကို အရေးဆိုရာတွင် ထိပ်တန်းဖြစ်နေကြသည်။ အမေရိကန် စီအိုင်အေနှင့် အင်္ဂလိပ် MI5 တို့သည်ကား လက်စောင်းထက် ထ်ိပ်တန်းထောက်လှမ်းရေးများဖြစ်ကြသည်။ ထိုသူတို့သည် ရိုဟင်ဂျာနှင့် အယ်လ်ခေးဒါး အဆက်အစပ်ကို ဘာတီးလင်တ်နာလို သတင်းထောက်တစ်ဦးထက်တော့ လျော့၍ သိဖွယ်မရှိချေ။ ပို၍သာသိနေမည်။ ထို့ပြင် မြန်မာပြည် သန်းခေါင်စာရင်းကိုကောက်ယူခဲ့သော၊ လူမျိုးစာရင်းကို ပြုစုခဲ့သော အင်္ဂလိပ်များက ပို၍ သိပေမည်။ ထိုသို့သိလျက်နှင့်င်္ အဘယ်ကြောင့် မြန်မာနိုင်ငံ ရခိုင်ဒေသရှိ ရိုဟင်ဂျာအရေးကို အရေးဆိုနေရပါသနည်း။ရိုဟင်ဂျာများသည် မြန်မာတိုင်းရင်းသားများမဟုတ်မှန်းသိလျက်နှင့်အဘယ်ကြောင့်အရေးဆိုနေကြပါသနည်း။

ထိုအခါ ပထမဆုံး မိမိအတွေးထဲ ဝင်လာသည်မှာ မြန်မာနိုင်ငံ၏ ပထဝီဝင်ပင်ဖြစ်သည်။ မြန်မာနိုင်ငံသည် ယနေ့ ကြီးထွားဆဲပါဝါများဟုတင်စားကြသော တရုတ်နှင့် အိန္ဒိယတို့အကြားတွင် တည်ရှိနေပြီး အရှေ့တောင်အာရှနှင့် တိုက်ရိုက်ဆက်စပ်ပေးထားသည့် လမ်းဆုံလမ်းခွ သဖွယ်ဖြစ်သည်။ အင်္ဂလိပ်သည် ကြီးမားကျယ်ပြောလှသော တရုတ်ဈေးကွက်ကြီးကို လက်ဦးမှုရယူရန် မြန်မာသို့အရင်ဝင်လာခဲ့သည်ဟု သမိုင်းပညာရှင် ဒေါက်တာသန့်မြင့်ဦးက ဆို၏။ ထိုသို့ပထဝီဝင်အရ အရေးပါလှသော မြန်မာနိုင်ငံသည် ယနေ့ ပါဝါအပြောင်းအရွှေ့ခေတ်ကြီး (ဝါ) အမေရိကားလွန်ခေ (Post American World) တွင် အာရှပစိဖိတ်ဒေသ၏ ထိပ်တန်း ဒေသတစ်ခု ဖြစ်လာနေပေသည်။ ထိုဒေသအား နိုင်ငံရေး၊ စစ်ရေးအရ လွှမ်းမိုးမှု၊ လက်ဦးမှု ရယူထားနိုင်ခြင်းသည် ယခုရာစုနှစ်၏ အနာဂါတ်မဟာဗျူဟာ မဖြစ်နိုင်သလောဟုမေးလျှင် မည်သူမျှ ယတိပြတ်ငြင်းနိုင်မည်မထင်ပေ။

အဓိက ကျသော အချက်တစ်ချက်မှာကား တရုတ်၏ လက်ကုန်မဟုတ်သေးသော ဖွံ့ဖြိုးမှုပင်တည်း။ တရုတ်၏ အတိုင်းအဆမဲ့ ကြီးထွားလာနေသော စီးပွားရေးအင်အားနှင့် တိုးချဲ့လာနေသော စစ်ရေးအင်အားတို့က အမေရိကန် ပေါ်လစီမဂ္ဂဇင်းများတွင် နေ့စဉ်အချက်ပေးခေါင်းလောင်းသံများကို မြည်နေစေသည်။ Mixed Economy ဟုဆိုသော်လည်း အနောက်ကမ္ဘာများနှင့် ကမ္ဘာ့ရန် ဆိုဗီယက်ကြီးနှင့် အလွမ်းသင့်နေဆဲ တရုတ်သည် အနောက်၏ ယနေ့နံပတ်တစ် ရန်သူဖြစ်ကြောင်းကိုတော့ ယနေ့အခင်းအကျင်းများကို တီးခေါက်သူအများစု သတိမူမိကြပေမည်။

ထိုအခါ ထိုတရုတ်ကြီး၏ အရေးအခင်းမှန်သမျှအား အနီးကပ်မျက်စိဒေါက်ထောက်ကြည့်နေရသည့်အပြင် ပါဝါစင်တာများကို တရုတ်ပတ်ချာလည် တည်ဆောက်ခြင်းအားဖြင့် တရုတ်၏ စစ်ရေးအရ အာရှအတွင်းလွှမ်းမိုးလာနိုင်မှုကို အမေရိကန် ဦးဆောင်သော အနောက်ကမ္ဘာက ပြုလုပ်ခဲ့ကြပါသည်။ ကံအားလျော်စွာ တရုတ်၏ မပျော့ပြောင်းသော နိုင်ငံခြားရေးမူဝါဒနှင့် အနိုင်ကျင့်လိုမှုတို့ကြောင့် အရှေ့အာရှနှင့်် အရှေ့တောင်အာရှ နိုင်ငံများသည် အမေရိကန်ကို လိုလိုလားလားပင် ဖိတ်ခေါ်ခဲ့ကြပေသည်။ ထို့ပြင် တရုတ်အား နိုင်ငံရေးအရ ဖိအားပေးရန် တရုတ်မှ လူ့အခွင်င့်္အရေးလှုပ်ရှားသူများအား ချီးမြှောက်ခြင်း၊ တိဗက်မှ ဒလိုင်လားမားအား အေ၇းတယူ ဆက်ဆံခြင်းတို့ဖြင့် Diplomatic Pressure ပေးခဲ့ပေသည်။ အိန္ဒိယနှင့် အပေးအယူတည့်ခြင်းအားဖြင့် တရုတ်အပေါ် ဖိအား သိသိသာသာ ကျရောက်စေခဲ့လေသည်။

နိုင်ငံတစ်ခုတွင်၊ အထူးသဖြင့် စက်မှုနိုင်ငံများတွင် စွမ်းအင်သည် အသက်သွေးကြောဖြစ်၏။ စွမ်းအင်ဖူလုံရေးအတွက် စစ်ပွဲများပင် ဖြစ်ကြရသည်။ ထို့ထက်ဆိုရလျှင်ယနေ့ကမ္ဘာအခင်းအကျင်းများသည် စွမ်းအင်ဖူလုံရေးနှင့် ဆက်စပ်သော အခင်းအကျင်းများ ဖြစ်နေကြကြောင်းမှာ အထူးငြင်းစရာလိုမည်မထင်ပါ။ ထိုအခါ တရုတ်အား ထိန်းချုပ်ရန် သူ၏ စွမ်းအင်စီးဆင်းရာလမ်းကြောင်းကို ခြေရာခံကြည့်ဖို့လိုလာလေသည်။ ယနေ့တရုတ်ပြည်ကြီးသည် ကမ္ဘာတွင်လောင်စာဆီထုတ်လုပ်သူများအနက် ကြီးကြီးမားမား ထုတ်နိုင်သူဖြစ်သော်လည်း ၁၉၉ဝ ခုနှစ်မှစ၍ သူ၏ လောင်စာဆီ ပြည်တွင်းသို့တင်ပို့နှုန်းမြင့်မားလာခဲ့သည်။ ဤတွင် တရုတ်ပြည်၏ စွမ်းအင်ဖူလုံရေးအတွက် ပစိဖိတ်သမုဒ္ဒရာရေပြင်တွင် သူ၏ လောင်စာဆီတင် သင်္ဘောများလွတ်လပ်စွာ သွားလာခွင့်ရရှိရေးအတွက် ရေတပ်အင်အားတိုးချဲ့လာခဲ့သည်ကို သိသိသာသာတွေ့ရပေမည်။ ထိုသို့ရေတပ်များ တိုးချဲ့ရလာခြင်းသည် အမေရိကန်၏ သြစတေးလျနှင့်ပူးပေါင်းစစ်ရေးလေ့ကျင့်ခြင်းတို့်ကို သိသာစွာဖြစ်လာစေခဲ့ပါသည်။

တရုတ်၏ ရေနံတင်သင်္ဘောများကို စစ်ေ၇းအရ ခြိမ်းခြောက်ခြင်းခံရနိုင်သော ပွိင့်မှာ မလက္ကာရေလက်ကြားဖြစ်သည်။ ထိုအန္တရာယ်ကို ရှောင်ကွင်းရန် တရုတ်သည် ပိုက်လိုင်းစီမံကိန်းလေးခုကို စဉ်းစားရပါတော့သည်။ ထိုအထဲတွင် မြန်မာနိုင်ငံကို ခါးလည်မှ ဖြတ်သန်းသွားသော ကူမင်း-ကျောက်ဖြူ ရေနံပိုက်လိုင်း သည်လည်း အပါအဝင်ဖြစ်သည်။ ထိုစီမံကိန်းလေးခုအတွင်းတွင် မြန်မာသည်ကား တရုတ်နှင့် နိုင်ငံရေးတင်းမာမှု အနည်းဆုံးဟုပင်ဆို၍ ရနိုင်သည်။ ထိုပိုက်လိုင်းသည် ရခိုင်ကမ်းလွန်ပင်လယ်ပြင်မှ သဘာဝဓါတ်ငွေ့ကုဗမီတာ ၁၂သန်း ကို တင်ပို့သွားမည်ဖြစ်သည်။ ထိုပိုက်လိုင်းသည် ယနေ့ အရေးအခင်းဖြစ်သော ကျောက်ဖြူမြို့အနီးတွင် ရှိလေသည်။

မိမိ အလွန်စိတ်ကူးယဉ်နေခြင်းလော။ ဆက်စပ်ရလျှင် မြန်မာနိုင်ငံသည် တိုင်းရင်းသားအမျိုးစုံနေထိုင်သော ထူးခြားသည့်ဒေသဖြစ်သည်။ ထို့ပြင် အင်္ဂလိပ်တို့၏ နာမည်ကျော် Divide and Rule ပေါ်လစီအရ ဗုဒ္ဓဘာသာတိုင်းရင်းသားများမှာ အနှိမ်ခံခဲ့ရပြီး ခရစ်ယာန်တိုင်းရင်းသားများမှာ အင်္ဂလိပ်တပ်ရင်းများထဲတွင်နေရာရခဲ့ကြသည်။ လွတ်လပ်ရေးရပြီးသောအခါ ထိုပေါ်လစီအရိပ်မည်းနှင့် ထိုခေတ်နိုင်ငံရေးခေါင်းဆောင်များ၏ မပါးနပ်မှုကြောင့် တိုင်းရင်းသားအရေးသည် မြန်မာပြည်အပေါ်ထားသော နိုင်ငံကြီးများ၏ နိုင်ငံခြားရေးပေါ်လစီတွင် အရေးပါသည့် ဖဲချပ်တစ်ချပ် ဖြစ်လာခဲ့ပါသည်။

ယနေ့ရိုဟင်ဂျာ ဘင်္ဂါလီဟု ခေါ်သောသူများသည် သိသိသာသာ အင်အားကောင်းနေသည်။ ကျောက်ဖြူမြို့အနီးသို့လည်း အလွယ်တကူ ခြိမ်းခြောက်နိုင်စွမ်းရှိနေပါသည်။ ထိုအစုအဖွဲ့ကလည်း တိုင်းရင်းသားဖြစ်သည်ဟု တောင်းနေသည်။ တိုင်းရင်းသားအခွင့်အရေးတည်းဟူသော ဖဲချပ်သည် မြန်မာ့နိုင်ငံရေးတွင် အတော်ပင်အရေးပါနေသည်။ ထိုသို့သောအချက်အလက်များကို တရုတ်ကြီး၏ စွမ်းအင်မွတ်သိပ်ဆာလောင်မှုကို သွေးကြောဖြတ်တောက်ထိန်းကြောင်းနေလိုသော အမေရိကန်နှင့် အနောက်ကမ္ဘာအတွက် ကျောက်ဖြူပိုက်လိုင်းကို အနှောက်အယှက်ပေးရန်အလို့ငှာ ဆက်စပ်ကြည့်သင့်ပေသည်။ ဖဲချပ်တွင် သေရေးရှင်ရေး အရေးပါသော ဖဲချပ်တစ်ချပ်အဖြစ်ကား ရိုဟင်ဂျာကို မမြင်မိချေ။ ခေါ်ဖဲ တစ်ချပ်ဟုသာ မြင်သည်။
ထိုအရေးအခင်းသည် အမေရိကန်နှင့် မြန်မာတို့ ဆက်ဆံရေးပြေလည်သွားလျှင် ပိုမို မှေးမှိလျှက် ပြေလည်သွားနိုင်ဖွယ်ရှိသည်။ သို့သော် အမေရိကန်သည် သူမွေးသောမျောက်ကို သူမနိုင်သည့်အခါများရှိခဲ့ဖူးသည်။ ပင်လယ်ကွေ့စစ်ပွဲနှင့် သူမနိုင်သော ဘင်လာဒင်သည် သူမွေးသည့်မျောက်ပြန်ခြောက်ခြင်းပင်မဟုတ်ပါလော။ ယနေ့ အယ်လ်ခေးဒါးနှင့် ရိုဟင်ဂျာတို့ ဆက်စပ်ကြောင်း အမေရိကန်သံရုံးကေဘယ်လ်များတွင် အခိုင်အမာဆိုထားသည့်ပြင် ဆက်စပ်သတင်းသက်သေခံများကိုလည်း ဖမ်းဆီးသိမ်းမိကြောင်း ဆက်တိုက်ထွက်လာသည်။

ချုပ်ရလျှင် ကျောက်ဖြူ-ကူမင်း ပိုက်လိုင်းကို မလုပ်ဖြစ်ရန် သို့မဟုတ် မြန်မာအစိုးရအပေါ် Bilateral Policy ဖြင့်အမေရိကန်သွားနေစဉ် အမေရိကန်က မြန်မာ့တိုင်းရင်းသားအခွင့်အရေး၏ Vitality (သေရေး၇ှင်ရေးအရေးပါမှု) အပေါ် အမြတ်ထုတ်ကာ တရုတ်ကို နားရင်းအုပ်ရန် ရိုဟင်ဂျာကို ပစ်ဖဲခေါ်လိုက်ခြင်း ဖြစ်နိုင်သည်။ သူတို့အတွက် အစားခံရသော်လည်း အရေးမကြီးသည့် နယ်ရုပ်မှာ ရိုဟင်ဂျာ ဖြစ်သောလည်း ကျွန်ုပ်တို့ မြန်မာနိုင်ငံ၏ အနောက်ဖက်လုံခြုံရေးတံတိုင်းမှာ ဘူးသီးတောင်၊မောင်တော ဒေသဖြစ်နေသည်။ ထို့ကြောင့် မြန်မာအနေဖြင့် ထိုကိစ္စကို ဒေသတွင်းဖြစ်စဉ်သက်သက်သာမက၊ နောက်ပိုင်း နိုင်ငံရေးလုပ်ကြံမှု ဖြစ်စဉ်များအထိပါ ထည့်သွင်းတွက်ချက်စေလိုသည်။ ရိုဟင်ဂျာသည် အမေရိကန်နှင့်အင်္ဂလန်မွေးသော မျောက်ဖြစ်လာပါစေဦး..သူတို့အတွက် အနေသာကြီးပင်ဖြစ်သည်။ ထိုအချက်ကို လေးလေးနက်နက် ဆင်ခြင်စေလိုသည်။

သူတို့အတွက် ဘာမျှမဟုတ်သည်ထားဦး..ဒေသတွင်းရခိုင်များအတွက် သေရေးရှင်ရေးပင်ဖြစ်လေသည်။ ဤအချက်များကို ဒေါ်အောင်ဆန်းစုကြည်လည်းတွေးမိကောင်းတွေးမိပေမည်။ မိမိနိုင်ငံသားများ၏ အကျိုးစီးပွားသည်သာ ပဓာနဟုတွေးလျှင် ဤရိုဟင်ဂျာကိစ္စသည် အစိုးရနှင့် အဓိကအတိုက်အခံ ဒေါ်အောင်ဆန်းစုကြည်တို့ လုပ်၇န်များများစားစားမရှိလှပါ။ ခပ်ရှင်းရှင်း ကိုင်တွယ်ဖြေရှင်းပေးလိုက်ရုံသာရှိပါသည်။

တောင်ကြီးတိုင်းမ်တွင်ဖတ်ရသောဆောင်းပါးတပုဒ်ပါ။စိတ်ဝင်စားဖွယ်ဖြစ်၍တင်ပေးလိုက်ပါသည်။