Tuesday, August 16, 2011

စဉ်ဆက်မပြတ် ဖွံ့ဖြိုးရေးအတွက် ကုလသမဂ္ဂရဲ့ ကျောင်းသားကွန်ဖရင့်

ကုလသမဂ္ဂ အထွေထွေ အတွင်းရေးမှူး ဘန်ကီမွန်း က နိုင်ငံတကာ ကျောင်းသားခေါင်ဆောင်တွေကို တောင်ကိုးရီးယားမှာ ပြုလုပ်တဲ့ ကုလသမဂ္ဂ ဖိုရမ်သို့ ဖိတ်ခေါ်ခဲ့ပါတယ်။
ရည်ရွယ်ချက်ကတော့ ဆင်းရဲမှုတိုက်ဖျက်ရေးနဲ့ စဉ်ဆက်မပြတ် ဖွံ့ဖြိုးတိုးတက်ရေး (sustainable development) စတဲ့ကမ္ဘာလုံးဆိုင်ရာ စိန်ခေါ်မှုတွေ ကိုင်တွယ်ဆောင်ရွက်တဲ့ နေရာမှာ ထူးချွန်ထက်မြက်တဲ့ နိုင်ငံတကာ လူငယ်များ မတူခြားနားတဲ့ အမြင်တွေနဲ့ ပိုမိုတက်ကြွစွာ ပါဝင်ဆောင်ရွက်စေဖို့ ဖြစ်ပါတယ်။
"ပိုမိုကောင်းမွန်တဲ့ ကမ္ဘာကြီးကို ပုံဖော်ဖို့ ပါဝင်ကူညီကြပါ။ စိန်ခေါ်မှုတွေကို စုစည်းညီညာမှုဖြင့် ရင်ဆိုင်ကြပါ။ ကမ္ဘာကြီးမှာ အခု ဘာတွေ အရေးတကြီး လိုအပ်နေသလဲဆိုတာ ကုလသမဂ္ဂကို အသိပေးခြင်းဖြင့် ကူညီကြပါ" လို့ တောင်ကိုးရီးယားမှာ ကျင်းပတဲ့ Third Global Model United Nations Conference မှာ ဘန်ကီမွန်း က အလေးအနက် ပြောကြားခဲ့ပါတယ်။
ကုလသမဂ္ဂ လူထုသတင်းဆက်သွယ်ရေး ဌာနက စည်းရုံးလုပ်ဆောင်တဲ့ ဒီကွန်ဖရင့်ဟာ နိုင်ငံပေါင်း ၆၀ ကျော်ရှိ တက္ကသိုလ်ကျောင်းသား ရာပေါင်းများစွာကို မျက်နှာစုံညီ တွေ့ဆုံစေကာ စီးပွားရေး လူမှုရေး နိုင်ငံရေးတွေကို အေးအေးဆေးဆေးညှိနှိုင်း အဖြေရှာဖို့ ရည်ရွယ်ပါတယ်။
သြဂုတ်လ ၁၁ ရက်မှ ၁၄ ရက်အထိပြုလုပ်တဲ့ ဒီကွန်ဖရင့်ဟာ ဂျီနီဗာနဲ့ ကွာလာလမ်ပူတို့မှာ ပြုလုပ်ခဲ့တဲ့ ယခင် တွေ့ဆုံပွဲတွေရဲ့ အဆက် တတိယမြောက်တွေ့ဆုံခြင်း ဖြစ်ပါတယ်။ အဓိက ဆွေးနွေးတဲ့ အကြောင်းအရာကတော့ ရေရှည် စဉ်ဆက်မပြတ် ဖွံဖြိုးရေး (သို့မဟုတ်) လူသားတွေရဲ့တိုးတက်မှုကို သဘာဝတရားနဲ့ သဟဇာတဖြစ်စွာ ဘယ်လိုရှေ့ဆက်ကြမလဲ ဆိုတာပဲ ဖြစ်ပါတယ်။
"ဒီကွန်ဖရင့်မှာ သင်တို့ဟာ နိုင်ငံတကာဆက်ဆံရေး၊ မတူကွဲပြားတဲ့ လူတွေနဲ့ အမြင်ခြားနားမှုတွေကြား ဘယ်လို ညှိနှိုင်းဆောက်ရွက်မလဲ၊ အလုံးစုံ သဘောတူညီချက်တစ်ခု ရရှိဖို့အတွက် စိန်ခေါ်မှုတွေနဲ့ လိုအပ်တဲ့ တိုးတက်မှုကို ရရှိအောင် ဘယ်လိုစိတ်ရှည်ရမလဲ ဆိုတဲ့ အတွေ့အကြုံတွေကို ဖြစ်ပါတယ်။ ကုလသမ္မဂဟာ သင်တို့ရဲ့ ပူးပေါင်းဆောင်ရွက်မှုကို လိုအပ်နေပါတယ်။ သင်တို့ဟာ သင်တို့ရဲ့ မျိုးဆက်တွေအတွက် ကောင်းမွန်တဲ့ ကမ္ဘာတစ်ခုကို ဖန်တီးပေးနိုင်ခဲ့ဖို့ လိုပါတယ်" လို့ ဘန်ကီမွန်းက ပြောပါတယ်။
ယခု ကွန်ဖရင့်မှရရှိသော အသိပညာနဲ့ ကျွမ်းကျင်မှုတွေကို အသုံးပြုပြီး နျူကလီးယားလက်နက် ပပျောက်ရေး၊ ရာသီဥတု အပြောင်းအလဲများ ကိုင်တွယ်ဖြေရှင်းရေး၊ ပဋိပက္ခဒေသရှိ လူသားမျိုးနွယ်စုတွေ ရှင်သန်ရပ်တည်ရေး စတဲ့ ကုလသမ္မဂရဲ့ ရည်ရွယ်ချက်တွေကို ဖော်ဆောင်ရာမှာ အင်တိုက်အားတိုက် ပါဝင်ဖို့ နိုင်ငံစုံမှ ကျောင်းသားများကို တောင်းဆိုလိုက်ပါတယ်။
ယခု ကွန့်ဖရင့်က တက်ရောက်တဲ့ လူငယ်တွေအတွက် ကမ္ဘာကြီးမှာ အမှန်တကယ်ကြုံတွေ့နေရတဲ့ စိန်ခေါ်မှုတွေကို ဖြေရှင်းဆောင်ရွက်ဖို့အတွက် နိုင်ငံတကာ သံခင်းတမန်ခင်းရဲ့ ခက်ခဲ နက်နဲမှုတွေကို လေ့လာခွင့်ရတာဟာ အလွန်တရာ ကြီးမားတဲ့ အခွင့်အရေးတစ်ခု ရရှိခြင်း ဖြစ်ပါတယ်။
ကုလသမဂ္ဂ သတင်းထုတ်ပြန်ရေးဌာနမှ အရာရှိက ဒီကွန်ဖရင့်ဟာ နောက်နှစ် ဇွန်လမှာ ကျင်းပမယ့် Rio+20 လို့ လူသိများတဲ့ စဉ်ဆက်မပြတ် ဖွံ့ဖြိုးတိုးတက်မှုဆိုင်ရာ ကုလသမဂ္ဂ ကွန်ဖရင့်ကို ပြင်ဆင်နေသူတွေအတွက် လှုံ့ဆော်မှုတစ်ခုဖြစ်လာဖို့ ယုံကြည်နေပါတယ်။
ဒါ့အပြင် ငြိမ်းချမ်းရေး၊  ဖွံ့ဖြိုးတိုးတက်ရေး၊  လူ့အခွင့်အရေးတွေ ကမ္ဘာတလွှား တည်တံ့ခိုင်မြဲအောင် နိုင်ငံတကာ လူငယ်တွေ စုပေါင်းပြီး ကမ္ဘာလုံးဆိုင်ရာ ကြိုးပမ်းမှုအနေနဲ့ အတူတကွ အားထုတ်ကြဖို့ ဒီကွန်ဖရင့်ကြီးမှတဆင့် မျှော်လင့်လျက်ရှိကြောင်း ဘန်ကီမွန်းက ပြောဆိုခဲ့ပါတယ်။
သုခသခင်
Source: UN News centre & GMUN 2011

No comments:

Post a Comment