ပြည်သူကျွေးသောထမင်းကိုစားပြီး ထမင်းရှင်ကိုမစော်ကားသင့်ပါ။

နိုင်ငံတနိုင်ငံ၏အစိုးရဆိုသည်မှာ ပြည်သူတွေ၏ ၀န်ထမ်းများထဲမှ ၀န်ထမ်းများသာဖြစ်ပါသည်။ ထိုဝန် ထမ်းများသည် ပေးအပ်ထားသည့်တာဝန်ဝတ္တရားများကို ဥပဒေအတိုင်း လုပ်ဆောင်သွားရန် သာဖြစ်ပါသည်။ရွေးကောက်ပွဲကာလတခုပြီးဆုံး၍နောက်တခုပြီးလျှင်ထိုအစိုးရသည် ဆက်လက် အရွေးခံရချင်မှခံရမည်။မခံရလျှင် အခြားပြည်သူရွေးကောက်တင်မြှောက်သည်အစိုးရဆက်ပြီး တာဝန်ယူသွားမည်သာဖြစ်ပါသည်။တိုင်းပြည်၏ဖွဲ့စည်းပုံအခြေခံဥပဒေအတိုင်းလုပ်ထုံးလုပ်နည်းအတိုင်းဆက်လက်လုပ်ဆောင်သွားကြပေလိမ့်မည်။

ယနေ့မြန်မာပြည်တွင် ဦးသိန်းစိန်အစိုးရလက်ထက် ၀န်ကြီးအများစုမှာ ယခင် စစ်ဗိုလ်ချုပ်ဟောင်း များဖြစ်နေကြသည်ကိုတွေ့ရပါသည်။ထိုကိစ္စသည်ပြသနာမဟုတ်ပါ။စစ်သားလဲ တိုင်းပြည် အတွက်နိုင်ငံရေးလောကထဲပါဝင်ပြီး ပြည်သူကြည်ဖြူလျှင်ပေးအပ်သည့်တာဝန်ကိုယူလို့ရပါသည်။
သို့သော် နိုင်ငံရေးနယ်ပယ်သည် အင်မတန်အမယ်စုံလှပါသည်။နိုင်ငံရေးပရိယယ်၊ စီးပွားရေး ပရိယယ်၊ လူမှုရေးပရိယယ်စသည်ဖြင့်ကျယ်ပြောလှပါသည်။ထိုနယ်ပယ်စုံတို့တွင် သက်ဆိုင်ရာ ကဏ္ဍ တခုခုတွင်ဝန်ကြီးလုပ်ဖို့ဆိုသည်မှာ လွယ်ကူသည့်ကိစ္စတော့မဟုတ်ပါ။အတိုင်းအတာ တခု အထိအရည်အသွေးအခြင်းပြည့်ဝကြဖို့လိုအပ်ပါသည်။

မြန်မာပြည်၏လက်ရှိအစိုးရအဖွဲ့တွင်တာဝန်ယူနေကြသောဝန်းကြီးတချို့မှာ ဖေါ်ပြပါအရည်အသွေးများအားနည်းသည်ကိုတွေ့နေရ။မြင်နေရကြားနေရ၍စိတ်မကောင်းပါ။၂၀၁၃-ခုနှစ်ကြေးနီတောင် စီမံကိန်းတွင် အဓမ္မဖြိုခွင်းမှုဖြစ်ပြီးနောက် အစိုးရအဖွဲ့ဝင် ၀န်ကြီးတဦးက သူတို့အနေနင့် တရုပ်ကို လည်းကြောက်ရကြောင်းပြောသည်ဟုကြားလိုက်၇၍အတော်စိတ်မချမ်းသာဖြစ်ရပါသည်။ဒီထက်ဆိုးသည်မှာ တရုပ်က သူတို့ကျေးဇူးရှင်ဟုပင်မရှက်မကြောက်(၀န်ကြီးတဦး၏ သိက္ခါ၊ တိုင်းပြည် ၏ သိက္ခာကိုပင်မထောက်)ပြောရက်ပါသည်။သာမန်အရာရှိအဆင့်လောက်ပြောသည်ဆိုလျှင်ပင်ဖြေသာနိုင်သေးသော်လည်း ၀န်ကြီးအဆင့်ထိပြောလာသည်စကားဖြစ်နေ၍ သက်ဆိုင်ရာအစိုးရကို ကိုယ်စားပြုသည်ဟုလဲသဘောထား၍ရနေပါသည်။ဆိုလျှင်မြန်မာအစိုးရသည်တရုပ်ကိုကြောက်နေရသည်၊တရုပ်ပေးသည့်အသက်သာရှိသည် ဒါကြောင့်တရုပ်က ဘာခိုင်းခိုင်းဘယ်သူ့ မျက်နှာမှ မထောက်နိုင် ပြည်သူကိုသတ်ခိုင်းလျှင်လဲသတ်မည် ဆိုသည့်သဘောဖြစ်သွားပါသည်။
မြန်မာပြည်သူတွေအနေဖြင့် မိမိတို့ကို ဖိနှိပ် ရက်စက်သော အာဏာရှင်ကို ထောက်ပံ့ ကူညီသော တရုပ်အစိုးရကိုလုံးဝကြည့်မရသည့်ကြားက ကိုယ့်အစိုးရ၀န်ကြီးတယောက်က ထိုကဲ့သို့ပြောလာ သည်မှာ ပြည်သူကိုစောက်ကားခြင်း ထမင်းရှင်ကိုစော်ကာဖြင်းသာဖြစ်ပါသည်။

အယင်နှစ်ကပဲ ဖြစ်ပါလိမ့်မည်။စိုက်ပျိုးရေးဝန်ကြီးဆိုိသူက တောင်သူလယ်သမားတွေကိုထမင်းတနပ်သာစားပြီးအလုပ် လုပ်ကြဖို့ပြောသည်ဟုကြားလိုက်ရပါသေးသည်။အင်မတန်ရက်စက် သည့် ၊စော်ကားသည့်စကားဖြစ်ပါသည်။တောင်သူလယ်သမားတို့မှာ ခေတ်အဆက်ဆက်နင်းပြားဘ၀ဖြင့်ဘ၀ကိုရုန်းကန်လာခဲ့ရပြီး ပြည်သူတွေဆန်အိုးမှာ ဆန်အချိ်န်မှန်ပြည့်ဖို့ သူများတိုင်းပြည်မှာ စက်ကရိယာသုံးပြီးစိုက်ပျိုးနေကြချိ်န်မှာ မြန်မာလယ်သမားတို့မှာ ယနေ့၂၁ ရာစုထိ နွားကြာစုံဖြင့် ထွန်တုံးနှင်နေ၇တုန်းပါ။နေထွက်က နေ၀င် လယ်ယာမြေမှာ နဖူးကချွေး ခြေမ ကျတဲ့အထိ ရုန်း ကန်နေရသော၊ဘယ်လောက်ပဲ နွားနင့်ဖက်ပြီး ရုန်းကန်သော်လဲ ဆင်းရဲတွင်းထဲက မထွက်နိုင်ကြသော ကျေးဇူးရှင်လယ်သမားကြီးတို့ကို တခါ လဲရာ သူခိုးထောင်း၊မြေနိမ့်ရာ ၀ါးကူ ထိုးဆိုသလို သက်ဆိုင်ရာအစိုးရ က လယ်သမားတို့အတွက် ပိုမိုကောင်းမွန်အောင် ကူညီပံ့ပိုး၇ မည့်အစား မ၀ရေစာ ထမင်းနှစ်နပ်ကိုတောင် တနပ်တည်းသာစားခိုင်းခြင်းမှာ အင်မတန်ရက်စက် သည့်လူမဆန်သည့်အပြောအဆိုအသုံးအနှုံးဖြစ်ပါသည်။အခြားသောတိုင်းပြည်တွေမှာဆိုလျှင်တော့ ချက်ခြင်းဝန်ချတောင်းပန်ပြီးဝန်းကြီးရာထူးကနေဆင်းပေး၇မယ့်အပြောအဆိုမျိုးဖြစ်ပါသည်။ပြည်သူ
ကိုစော်ကားသည့် ထမင်းရှင်ကိုစော်ကာသည့်စကားမျိုးဖြစ်ပါသည်။

မကြာသေးခင်ကလဲထပ်ကြားလိုက်ရပြန်ပါပြီ။နောက်ထပ်ဝန်ကြီးတယောက်က ပြည်သူကိုပါးရိုက်ပြီးပြောလာတာ၊အစိုးရဆိုတာ မလိုရင်ကြိုက်သလိုထောင်ချလို့ရသည်၊ဘယ်သူ့မှ ဂရုစိုက် စရာမလို စသည်ဖြင့်ဆဲဆိုခြိမ်းခြောက်သွားသည်ဟုဖတ်လိုက်ရ၍ စိတ်ဆင်းရဲလှပါသည်။ထိုဝန်ကြီး၏ စိတ်ထဲ မှာ မိမိတာဝန်ယူနေသည့်ကိစ္စသည်ပြည်သူအတွက်၊ပြည်သူ့ဝန် ကိုထမ်းနေရသူ၊ပြည်သူ ကပေး သည့် လစာ ဆိုသည်ကိုများသတိရသေးရဲ့လားကျနော် သံသရ ၀င်မိပါသည်။
ကိုယ့်ထမင်းရှင် ကျေးဇူးရှင်ပြည်သူကို ဒီလောက်ရင့်ရင့်သီးသီးစော်ကားသည့်ဝန်ကြီး၊စော် ကားခွင့် ရသည့်တိုင်းပြည်ကမ္ဘာပေါ်တွင်ရှိလိမ့်မထင်ပါ။မြန်မာပြည်မို့ စစ်အာဏာရှုင်တွေခေတ်အဆက်ဆက် ရက်စက်စွာဖိနှိပ်ခံထားရသည့်ပြည်သူတွေမို့မတရားတာကိုလဲခေါင်းငုံ့ခံ၊စော်ကားလျှင်လဲခေါင်းငုံ့ခံ ပြန်မပြောရဲတာအသားကျတော့ မိမိကိုပါးရိုက်မည်ဟုစော်ကားသည့်ဝန်ကြီးကိုပင် ဆန္ဒထုတ်ဖေါ်ပြီး မဖြုတ်ချရဲကြတော့ပါ။

တခါထိုဝန်ကြီးကပင် အာဏရှင် ဦးသန်းရွှေ သူထင်သလိုအရူးထပြီးမြို့သစ်တည်သည့်ကိစ္စ ကိုချီး မွန်းခန်းဖွင့်သွားသည်ဟုလဲဖတ်လိုက်ရပါသည်။တကယ်တော့ပြည်သူတွေမှာ မတတ်သာ လို့သာငြိမ်နေလိုက်၇သည်။မြို့သစ်တည်သည့်ကိစ္စမှာ မရောင်ရာဆီလူးသည့်ပြည့်သူ့ဘဏ္ဍာ အလဟ သ ဖြုံးတီးသည့်ကိစ္စမို့ဘယ်သူမှကြေနပ်ကြသည်မဟုတ်ပါ။ထိုငွေများကို အရင် ရန်ကုန်မြို့ က အစိုးရ၀န်ကြီးများဆိုင်ရာအဆောက်အဦးများကိုပြုပြင်မွန်းမံပြီးသုံစွဲပါက ပိုလျှံသည့်ငွေတွေ နင့်တိုင်းပြည်မှာအခြားသောလိုအပ်ချက်များဖြစ်သည့်ပညာရေး၊ကျန်းမာရေးကဏ္ဍနွေမှာသုံးစွဲလိုက်လျှင်အင်မတန်အကျိုးရှိမည့်ကိစ္စဖြစ်ပါသည်။ယခုတော့ အာဏာရှင်တွေအာဏာရှိတုန်းကလဲ ထင်သလိုစည်းစိမ်ယစ်၊တိုင်းပြည်သယံဇာတတွေကို ခိုးယူခဲ့ကြ၊ဟော အာဏာမရှိတော့ပြန်တော့လဲ ခိုးယူစုဆောင်းထားကြသောငွေများဖြင့် စည်းစိမ်ခံဖို့မြို့သစ်တည်လိုက်ကြပြန်သေးသည်။

ထိုမျှလောက်တိုင်းပြည်ကို လုပ်ချင်သလိုလုပ်သွားသောကိစ္စကိုတခါ ထပ်ပြီးချီးမွှမ်းခမ်းဖွင့်ပြီးစော် ကား ရုံသာမက ပါးရိုက်မည်၊ထောင်ထဲထည့်မည်ဟုပါ အရိုင်းစိုင်းဆုံးစော်ကားပြိး မြန်မာဝန်ကြီး တို့ထမင်းရှင်ပြည်သူတွေကိုစော်ကားနေကြပါသည်။

တကယ်တော့အစိုးရပဲဖြစ်ဖြစ်၊စာရေးစာချီဝန်ထမ်းပဲဖြစ်ဖြစ် အားလုံးပြည်သူ့ဝန်ထမ်းများ ပြည်သူ ကိုအလုပ်အကျွေးပြုဖို့ပြည့်သူ့ဘဏ္ဍာကိုရယူခံစားနေကြသူများသာဖြစ်ပါသည်။ထို့ကြောင့်ပြည်သူသာလျှင်အမိ၊ပြည်သူသာလျှင်အဖ ပြည်သူသာလျှင်ထမင်းရှင်များဖြစ်ကြသည်ကိုမမေ့ကြဖို့အထူးအရေးကြီးလှပါသည်။မြန်မာအစိုးရအဖွဲ့ဝင် ၀န်ကြီးတို့ ယခင် စစ်တပ်အုပ်ချုပ်မင်းမူနေတုန်းက ထင်ရာစိုင်းခဲ့ရိုင်းစိုင်းခဲ့ကြသည့်အကျင့်များကိုကြိုးစားဖျာက်ကြပြီးထမင်းရှင်ကိုကြင်နာကြဖို့လိုအပ်ပါသည်။မကြင်နာနိုင်လျှင်တောင် မစော်ကားမိကြဖို့ ဤဆောင်းပါဖြင့်လေးနက်စွာ တိုက်တွန်းလိုက် ပါသည်။

မြန်မာပြည်သူများ အရည်အခြင်းပြည့်ဝနှလုံးလှသည့်ခေါင်းဆောင်များရရှိနိုင်ကြပါစေ။