အရှေ့တောင်
အာရှနိုင်ငံများအနက် ကမ္ဘောဒီးယားနှင့် အရှေ့တီမောပြီးလျှင်
မြန်မာနိုင်ငံသည် တတိယမြောက် အာဟာရချို့တဲ့မှုနှုန်း အမြင့်မားဆုံးနိုင်ငံ
ဖြစ်နေကြောင်း ယူနီဆက်စ်မှ ထုတ်ပြန်ချက်အရ သိရသည်။
မြန်မာနိုင်ငံတွင် အာဟာရချို့တဲ့မှု ဖြစ်ပေါ်စေသည့် အဓိက
အကြောင်းရင်းများတွင် စားနပ်ရိက္ခာ မလုံလောက်ခြင်း၊ တစ်ကိုယ်ရည် သန့်ရှင်းမှု
အလေ့အထ နည်းပါးခြင်း၊ ရေကောင်းရေသန့်နှင့် အခြေခံကျန်းမာရေး
စောင့်ရှောက်မှုကို အကန့်အသတ်ဖြင့်သာ ရရှိခြင်း အပါအ၀င် ကလေးသူငယ်များကို
အစားအစာကျွေးသည့် ပုံစံမမှန်ကန်ခြင်းတို့ ပါဝင်ကြောင်း သိရသည်။
အစိုးရအနေဖြင့် ကမ္ဘာ့ကျန်းမာရေး အဖွဲ့၊ WFP၊ FAO နှင့် ယူနီဆက်စသည့်
ကုလသမဂ္ဂ အဖွဲ့အစည်းများနှင့် ပူးပေါင်း၍ မြန်မာနိုင်ငံတွင် “ကမ္ဘာ့အာဟာရ
မြှင့်တင်ရေးလှုပ်ရှားမှု” ကို အကောင်အထည်ဖော်ရေး စီမံကိန်းတစ်ရပ်
ရေးဆွဲသွားမည်ဖြစ်ပြီး လက်ရှိဆောင်ရွက်နေသည့် “အစားအစာနှင့် အာဟာရဆိုင်ရာ
အမျိုးသားအဆင့်လုပ်ငန်း အစီအစဉ် (၂၀၁၂-၂၀၁၆)” အကောင်အထည်ဖော်
ဆောင်ရွက်မှုကို အရှိန်အဟုန် မြှင့်တင်ရန် ရည်ရွယ်ခြင်းဖြစ်ကြောင်း သိရသည်။
မြန်မာနိုင်ငံ၏ ဖွံ့ဖြိုးမှုလုပ်ငန်းများတွင် ကြုံတွေ့နေရသည့်
ပြဿနာများထဲမှ တစ်ခုဖြစ်သည့် အာဟာရချို့တဲ့မှု ပြဿနာကို ဖြေရှင်းနိုင်ရန်
အစိုးရအနေဖြင့် ၂၀၁၃ ခုနှစ် မေလတွင် “ကမ္ဘာ့အာဟာရမြှင့်တင်ရေး လှုပ်ရှားမှု”
Scaling Up Nutrition Mov-ement (SUN) တွင် ၄၆ နိုင်ငံမြောက် အဖွဲ့ဝင်အဖြစ်
ဝင်ရောက်ရန် သဘောတူလက်မှတ် ရေးထိုးခဲ့ကြောင်း သိရသည်။
ကမ္ဘာ့အာဟာရ မြှင့်တင်ရေးလုပ်ငန်း (SUN) သည် ကလေးသူငယ်များ၏ အာဟာရဆိုင်ရာ
ပြဿနာများကို ဖြေရှင်းရန် အပြည်ပြည်ဆိုင်ရာ လှုပ်ရှားမှုအနေဖြင့် ၂၀၁၀
ပြည့်နှစ်က စတင်ဆောင်ရွက် ခဲ့ကြောင်းနှင့် မြန်မာအစိုးရနှင့် ယူနီဆက်တို့
ပူးတွဲဦးဆောင်သော အာဟာရဆိုင်ရာ ပူးပေါင်းဆောင်ရွက်ရေး အဖွဲ့ဖြစ်သည့်
မြန်မာနိုင်ငံ အာဟာရနည်းပညာ ကွန်ရက်သည် မြန်မာနိုင်ငံကို (SUN) နှင့် ၂၀၁၂
ခုနှစ်တွင် စတင်တွေ့ဆုံခဲ့ကြောင်း သိရသည်။ ထို့ပြင် အစိုးရ၀န်ကြီးဌာန ၁၄
ခုဦးဆောင်ကာ ကဏ္ဍပေါင်းစုံ ပါဝင်သည့် “ မြန်မာနိုင်ငံ အစားအစာနှင့်
အာဟာရဆိုင်ရာ အမျိုးသားအဆင့် လုပ်ငန်းအစီအစဉ်ကို ၂၀၁၃ ခုနှစ် မတ်လတွင် SUN ၏
လှုပ်ရှားမှုဘောင်နှင့်အညီ ထပ်မံမွမ်းမံ ထားပြီးဖြစ်ကြောင်း သိရသည်။
-
No comments:
Post a Comment