နှစ်ဆယ့်တစ်ရာစု၏ ဆယ်စုနှစ်တစ်ခုကိုပင်ချဉ်းနင့်ဝင်ရောက်လာယာဖြစ်တေ။ရာစုသစ်မာနိုင်ငံတိုင်း
လူမျိုးတိုင်းကသူ့ ထက်ငါအယင်ဟြိကိုရောက်ဖို့ ကြိုးစားနိမ်ကတ်တေ။ ကမ္ဘာ့စူပါ ပါဝါ အမေရိကန်က
စစ်အီးကာလနောက်ပိုင်း စူပါ ပါဝါအဖြစ်ကနိမ် သူ့ နိမ်ရာကိုအစားဝင်ရောက်လာဖို့ (သို့ )မျှဝေရဖို့ ဖြစ်
လာရေ။တရုတ်၊အိန္ဒိယ စသည်ဖြင့်။ ဂျပန်ကလည်းနိုင်ငံတကာမျက်နှာစာမှာသူရို့ တိသြဇာတက်ဖို့ ပို
လို့ ကြိုးစားလာရေ။သမ္မတဘုရ်ှလက်ထက်မာ ဂျပန်၏ ဖွဲ့စည်းပုံကိုပြုပြင်လို့နိုင်ငံတကာအသိုင်းအ၀ိုင်း
မာ ဒေထက်ပါဝင်လာဖို့ ထောက်ခံတိုက်တွန်းခဖူးစောဝ်ကိုမှတ်မိလိုက်တေ။
အိန္ဒိယလည်း လုံခြုံရေးကောင်စီ၏အမြဲတမ်းအဖွဲ့ ဝင်အဖြစ်ကိုရောက်ဖို့ တာစူနိမ်ရေ။
ကျနော် ပြောချင်စောဝ်က ကိုယ့်တိုင်းပြည်ကိုယ့်လူမျိုးအတွက် ဇာပိုင်လုပ်နိမ်ကတ်တေလဲဆိုစောဝ် ပါ။နှစ်ဆယ်တစ်ရာစုမာကိုယ့်တိုင်းပြည် အတွက် အားကစားကဏ္ဍမာပင်ဖြစ်ဖြစ်၊နိုင်ငံရေးကဏ္ဍမာပင်
ဖစ်ဖြစ်၊နည်းပညာကဏ္ဍမာပင်ဖြစ်ဖြစ် ကဏ္ဍတိုင်းမာ သူ့ ထက်ငါအချိန်တိုင်းမာ….
ကြိုးစားနိမ်ကတ်တေ။
ပြိုင်ဆိုင်နိမ်ကတ်တေ။
အချိန်တစက္ကန့် တောင်ဖြုန်းဖို့ ကိုမပြောကေ့ ။လောက်တောင်မလောက်။
ယေ့အချိန်မာ ရခိုင်လူမျိုးတိဇာတိလုပ်နိမ်ကတ်ပါလဲ။ သူ့ ရို့ ၏လက်ဟိအခြေအနေတိကဇာပိုင်လဲ။
ကမ္ဘာ့နိုင်ငံရေးဇတ်ခုံမာ ဇာအခန်းကဏ္ဍမာ ထိထိရောက်ရောက်ပါဝင်ထမ်းဆောင်နိမ်ကတ်တေလဲ။
ဆန်းစစ်ဖို့ လိုလာပါရေ။
ကျနော်ပြောချင်စောဝ်က လူတစ်ယောက်ချင်းစီး၏ ပါဝင်မှုမဟုတ်ပါ။လူမျိုးတစ်မျိုးအနေနင့်ပါဝင်နိုင်
မှုကိုဆိုလိုစောဝ်ပါ။
ကျနော်နိုင်ရပ်ခြားသားတိနင့်စကားပြောရရေခါ။
ဇာလူမျိုးလဲ၊ဇာကလာစောဝ်လဲ။မိန်းကတ်ပါရေ။
ကျနော်ရခိုင်လူမျိုးပါ၊ရခိုင်ပြည်ကလာစောဝ်ပါ။
စိတ်မကောင်းပါ၊ဒေနိုင်ငံဒေလူမျိုးတစ်ခါလဲမကြားဘူးလို့ ပါလို့ သူကပြန်မိန်းပါရေ။
ယေကေ ကျနော်ကဆက်လို့ …
ကျနော်အသေအချာ ရှင်းပြပါမေ။
ရခိုင်ပြည်နှင့်ရခိုင်လူမျိုးဆိုစောဝ်က …
ကျနော် ကမ္ဘာ့မြေပုံကို ဖြန့် ချ၊
မြန်မာပြည်မြေပုံထဲက အနောက်ဘက်ခြမ်းကို ကျနော်လက်ညှိုးထိုးပြ။ယေခါ….
ဒေစောဝ် မြန်မာပြည်မဟုတ်လားလို့ ပြန်မိန်းရေ။
ယေကေ ပြန်ရှင်းပြရသိန်းရေတစ်ခေါက်။….
ဟုတ်ပါရေ၊လောလောဆယ်တော့မြန်မာပြည်ထဲမာပါ။ယေကေလဲ အယင်ကတော့မဟုတ်ပါလို့  အစ
ချီပြီးကေ ရခိုင်သမိုင်းကိုအာပေါက်အောင်တတ်သလောက်မှတ်သလောက်နင့်ရှင်းပြရရေ။
ယေမ အားနာ ပါးနာနင့် ခေါင်းညိတ်တေ။ယေ့စောဝ်တောင်သူ့ မျက်လုံးက ခွဲထွက်ရေးဝါဒီသမားလား၊
လက်နက်ကိုင်အကြမ်းဖက်ဖို့ လူတိလားဆိုရေအကြည့်နင့်။
ကိုယ့်တိုင်းပြည်အကြောင်း၊ ကိုယ့်လူမျိုးအကြောင်းကိုရိုးရိုးသားသားပြောပြစောဝ်တောင်လွတ်လွတ်
လပ်လပ်ပြောလို့ အဆင်မပြေနိုင်ရေအခြေအနေ။
ယေနင့်ဖြစ်လို့ လဲ လောကမာ လွတ်လပ်မှုလောက်တန်ဖို့ ဟိစောဝ် ဒေကမ္ဘာတစ်ခုလဲမဟိလို့ ဗီယက်
နမ်ခေါင်းဆောင် ဟိုချီမင်း ကပြောခစောဝ်ကို။
လွတ်လပ်မှုဆုံးရှုံးကေ အရာရာ ဆုံးရှုံးလားယာလို အတွေးအခေါ်ပညာရှင်တိကပြောခစောဝ်ကို။
ဆိုးလိုက်တေဘ၀။
ခက်လိုက်တေခံရ။
ရင်ထဲမာ
ဟြှက်ခြင်း၊
ဝမ်းနည်းခြင်း၊
ခံပြင်းခြင်း။
လွတ်လပ်မှုဆုံးရှုံးနိမ်ရေလူတစ်ယောက်မရာသိနိုင်ရေ၊ကျွန်လုပ်ခံနိမ်ရရေလူတစ်ယောက်ရာခံစားနား
လည်နိုင်ရေ သိမ်ငယ်ခြင်းတိ ရင်ထဲမာအပြည့်။
အော်...
နှစ်ပေါင်းနှစ်ရာနှစ်ဆယ့်ငါး နှစ်တောင် ကိုယ့်အရှင်ကိုယ့်သခင်နင့်ဝီးနိမ်ရေလူမျိုးတစ်မျိုး။မျိုးဆက်သုံး
ဆက်နည်းပါးလောက် အမိမဲ့သား ရီမဲ့ငါးတိဘ၀က ရင်ထဲမာ ကြေနပ်ခြင်း၊အလိုကျခြင်းရို့ တိဇာပိုင်
ရောက်နိုင်ဖို့ လဲ။
ယပိုင်အနိမ်အထားမျိုးမာ ကျနော်ရို့ အချင်းချင်း…
ရန်စောင်နိမ်ကတ်ဖို့ သိမ်းလား။
မနာလို မိစ္ဆိယစိတ် တိ ထားနိမ်ကတ်ဖို့ သိမ်းလား။
တစ်ယောက်အမှားကို တစ်ယောက် ဆီအပေါက်ဟြှာပိုင် ဟြှာလို့ ထိုင်လို့ အပြစ်တင်နိမ်ကတ်ဖို့ သိမ်း
လား။
သို့ မဟုတ်…
အချင်းချင်းဝိုင်းဝန်းဖေးကူလို့ တူရာကို အားစိုက်လို့ အလုပ်လုပ်ကတ်ဖို့ လား။
နားလည်မှုတိတည်ဆောက်လို့တစ်ယောက်နင့်တစ်ယောက်ညီအစ်ကိုမောင်နှစ်မတိပိုင် ခိုင်ခိုင်မာမာ
လက်တွဲလို့  အမျိုးသားရေးကို လုပ်ကတ်ဖို့ လား။
ကျနော်ရို့ ဒေနိကိုယ့် ကို ကိုအထပ်ထပ်မိန်းကတ်ရဖို့ မိန်းခွန်းတိပါ။
လူဆိုစောဝ်အမှားနင့်မကင်းနိုင်။ယေခါ…..
စေတနာအမှားလား..
တမင်တကာအမှားလား…
မသမာမှုတိနင့်လား….
အပြစ်ကင်းရေ ရိုသားစွာမှားယွင်းခြင်းလားဆိုစောဝ်ကို ဖြစ်လာရေပြသနာကိုအခြေခံလို့ ကာယကံရှင်
တိနင့်ကိုယ်တိုင်သဘောထားကြီးမှုတိကို အလျှံပယ်သုံးပြီးကေ စကားပြောဖို့ ဆိုကေ ကျနော်ရို့ ဇာဖြစ်
လို့ နားလည်မှုမရနိုင်လဲ။ညီညွတ်မှုတစ်ခုကိုဇာဖြစ်လို့ မတည်ဆောက်နိုင်လဲ။
ကိုင်း….
လာ တချက်လောက်အားလုံးစကားပြောကတ်မေ။
ကျနော်ရို့ တိအားလုံးစောဝ် အဖရခိုင်ပြည်ကိုချစ်ကတ်လေလူဂျေးပါ။ကျနော်မာယေ့ယုံကြည်မှုတစ်ခု
လုံးဝ အခိုင်အမာဟိနိမ်ရေ။
ယေကေလဲ ကျနော်ရို့ ကြားထဲမာ ကွာဟချက်က……
ချစ်ပုံချစ်နည်း။
ချစ်နည်းမတူလို့ ပြသနာတက်ရစောဝ်ပါ။
ဇာနင့်တူနိမ်ကတ်လဲဆိုကေ…
လောင်းတစ်စင်းကိုအတူစီးလို့ လားကတ်တေလူအချင်းချင်းတိ….
တစ်ယောက်နင့်တစ်ယောက်သဘောထားကွဲလို့  လူနှစ်ယောက်မာ ဦးတစ်ယောက် ပဲ့တစ်ယောက်
ကျောခိုင်းလို့ အသကုန်လှော်နိမ်ကတ်ပိုင်ပါ။
ခရီးက ရောက်ဖို့ ကိုမပြောကေ့။နောက်ဆုံးလောင်းတောင်ခါးပိုင်းက ပြတ်လားနိုင်ပါရေ။
ယေကေ ကျနော်ရို့ တခရီးတည်းလားလူတိအချင်းချင်း။
ရီကြောင်းကျွမ်းရေလူက လမ်းကိုသေချာပြ။
တက်မ ကိုင်ကျွမ်းကျင်လူက တက်မကိုကိုင်။
ခွန်အားကောင်းလူက တက်ခတ်။
ရာသီဥတု ကျွမ်းကျင်ရေလူက သဘာဝ ဘေးဆိုးတိရောက်နိုင်မရောက်နိုင်ကြည့်လူတိက ကြည့်။့လီ
တိုက်မှုအလားအလာကိုကြည့်လို့ ရွက်ထောင်သင့်လူက ရွက်ကိုကိုင်။
အသိပညာဗဟုသုတ ဟိရေလူတိကို မိန်းစရာဟိကေ မိန်းလို့ သူရို့ ၏အကြံအဥာဏ်ပီးမှုတိနင့်အတူ
ကျနော်ရို့ လိုရာခရီးကိုရောက်ဖို့  ခရီးအတူနှင်ကတ်မေဆိုကေ….
ပန်းတိုင်ကို ကယောင်းပင်မရောက်ပဲ နိမ်ဖို့ လား။
ယေကေ….
ကျနော်ရို့ ဇာကိုစောင့်နိမ်ကတ်ဖို့ လိုသိမ်းလဲ။
ဒေနိ။ဒေအချိန်။ဒေစက္ကန့် မ အဖရခိုင်ပြည်အတွက် အလုပ်စလုပ်ကတ်မေ။
အသူတက်ကိုစကိုင်ဖို့ လဲ။
အသူ တက်မကိုကိုင်ဖို့ လဲ။
အသူ ရွက်ကိုကိုင်ဖို့ လဲ။
ရီပက်တေလူ လဲမဟိလို့ မဖြစ်။ခရီးနှင်နိမ်ရေလောင်းတစ်စင်းမာသူလဲအရေးကြီးရေ။
တိုးတက်ပြောင်းလဲလာရေခေတ်စနစ်နင့်အညီ ကျနော်ရို့ လက်နင့်ဂျေးခတ်နိမ်လို့ လဲမပြီး။ခေတ်မီ
စက်ကရိယာတိ တတ်ဖို့ လိုကေလဲ တတ်နိုင်အောင်ဝိုင်းဝန်းကြိုးစားကတ်ရဖို့ ။
လီကြောင်းကျွမ်းကျင်လူတိ ထွက်လာလတ်ကတ်ပါ။
တက်မ ကျွမ်းကျင်လူတိ ထွက်လာလတ်ကတ်ပါ။
ပင်လယ်ရီကြောင်းကျွမ်းကျင်လူတိ ထွက်လာကတ်ပါ။
ကျနော်ရို့ ခရီး ပန်းတိုင်ကိုရောက်ဖို့ မ၀ီးပါယာ။
ဒေခရီး မ၀ီးပါယာ။နှစ်ပေါင်း ၂၂၆ နှစ်တောင် နှင်နိမ်ကတ်တေခရီးမဟုတ်ပါလား။
မင်းစိုးအိမ်
No comments:
Post a Comment